الەم چەمپيوناتىنىڭ ا توبىنداعى مىسىر مەن ساۋد ارابياسى قۇرامالارىنىڭ ماچى كەزىندە مىسىرلىق «زامالەك» كلۋبىنىڭ بۇرىنعى باپكەرى، قازىرگى ۋاقىتتا سپورت كوممەنتاتورى ابدراحيم مۋحاممەد نەگما قايتىس بولدى.
بۇل تۋرالى prosports.kz جازدى.
كوممەنتاتور وسى كەزدەسۋدى مىسىرلىق تەلەارنالداردىڭ بىرىندە جۇرگىزىپ وتىرعان. الايدا ويىن بارىسىندا نەگمانىڭ جۇرەگى ۇستاپ قالىپ، كوپ ۇزاماي كوز جۇمدى.
ايتا كەتەيىك، بۇل ويىندا مىسىر فۋتبولشىلارى ەسەپتە الدا بولعان، الايدا كەيىن ساۋد ارابياسى قۇراماسى ەسەپتى تەڭەستىرىپ، ماچتىڭ سوڭعى مينۋتتارىندا جەڭىستى جۇلىپ اكەتتى.
وسىلايشا، مىسىرلىق ويىنشىلار ءوز توبىنداعى ءۇش ماچتا دا جەڭىلىپ، سوڭعى ورىن العان ەدى.
