ۇلتتىق قۇندىلىقتارىمىز – ءبىزدىڭ باستى بايلىعىمىز! ەلباسىنىڭ جارلىعىمەن، ۇلتتىق اسپابىمىزدىڭ ءبىرى – دومبىرانى كەڭىنەن ناسيحاتتاۋ ماقساتىندا ا.ج. شىلدە ايىنىڭ العاشقى جەكسەنبىسىندە «ۇلتتىق دومبىرا كۇنى» بولىپ بەكىتىلدى. ەلىمىزدە العاش رەت تويلانايىن دەپ وتىرعان ۇلتتىق دومبىرا كۇنىنە ارنالعان سالتاناتتى شارالار وتەدى دەپ كۇتىلۋدە. مەرەكە قارساڭىندا وتكىزىلگەلى وتىرعان شارالاردىڭ باستى ماقساتى – قازاق حالقىنىڭ وتە ەرتە جانە كەڭ تاراعان دومبىرانى كەڭىنەن دارىپتەۋ، ونى حالىق اراسىندا بارىنشا قولدانىسقا ەنگىزۋ بولىپ تابىلادى.

1 شىلدە كۇنى وتكىزىلەتىن مەرەكە قۇندىلىقتارىمىزدى ناسيحاتتاپ، قازاقتىڭ ۇلتتىق اسپابى – دومبىرانى دارىپتەۋ مەن مادەني ۇلتتىق بىرلىكتى نىعايتۋدى ماقسات تۇتتى. بۇل كۇن مادەنيەت قىزمەتكەرلەرى مەن قوڭىر ءۇندى دومبىرانىڭ ءۇنىن سۇيەتىن ادامداردى بىرىكتىرەتىن ايتۋلى مەرەكە بولماق. وسى ورايدا «مەملەكەتتىك قۋىرشاق تەاترى» كمقك ۇجىمى دا اتالمىش مەرەكەگە ءوز ۇلەسىن قوسۋ ماقساتىندا قالا ىشىندە وتكىزىلىپ وتىرعان ءىس-شاراعا بەلسەندى قاتىساتىنىن جەتكىزەدى. ايتۋلى شارا اياسىندا كۇي شەرۋىنە تەاتر ارتيستەرى، ونەر جاناشىرلارى جانە تانىمال قوعام قايراتكەرلەرى جانە ت.ب. 3 مىڭ ونەرپازدىڭ ورىنداۋىندا قۇرمانعازى، ءسۇيىنباي، دينانىڭ اتاقتى كۇيلەرىن، دالانىڭ قوڭىر سازىن، ناعىز قازاقتىڭ ءۇنىن تىڭداي الاسىزدار. ونەرپازدار قۇرمانعازى اتىنداعى قازاق ۇلتتىق كونسەرۆاتورياسىندا، پانفيلوۆ كوشەسىندەگى دەمالىس ورىندارىندا جانە ت.ب. ورتالىقتاردا كوپشىلىككە ارنالىپ قازاقتىڭ قارا دومبىراسىنان كۇي توكپەك.

ونەرسۇيەر قاۋىمدى «ۇلتتىق دومبىرا كۇنىن» بىزبەن بىرگە اتاپ وتۋگە شاقىرامىز!