ع.سلانوۆ اتىنداعى اتىراۋ وبلىستىق عىلىمي-امبەباپ كىتاپحاناسىندا «رۋحاني جاڭعىرۋ» جوباسىنا وراي اتىراۋ وبلىستىق مادەنيەت، ارحيۆتەر جانە قۇجاتتاما باسقارماسىنىڭ قولداۋىمەن جارىق كورگەن «كاسپيي ماڭى قازاقتارىنىڭ مادەنيەتى مەن تۇرمىسى حح عاسىردىڭ 20-جىلدارىنداعى فوتوقۇجاتتاردا» اتتى كىتاپ-البومنىڭ تۇساۋ كەسەر ءراسىمى بولىپ ءوتتى. تۇساۋكەسەر سالتاناتىنا وبلىستىق، اۋداندىق مادەنيەت مەكەمەلەرىنىڭ باسشىلارى، تاريح جانە مادەنيەت ەسكەرتكىشتەرىن قورعاۋ سالاسىنىڭ ماماندارى، عالىمدار، تاريحشىلار، ولكەتانۋشىلار، ارحەولوگتار، ەتنوگرافتار، قوعامدىق ۇيىم وكىلدەرى، ستۋدەنتتەر قاتىستى.

وبلىستىق كىتاپحانا ديرەكتورى س.ىزمۇحامبەتوۆا شارانى جۇرگىزىپ وتىردى. وبلىستىق مادەنيەت، ارحيۆتەر جانە قۇجاتتاما باسقارماسى باسشىسىنىڭ ورىنباسارى ا.دجولايەۆ، وبلىستىق ارداگەرلەر كەڭەسىنىڭ ءتوراعاسى ق.ريزۋانوۆ، ولكەتانۋشىلار ءو.قاجىمعالييەۆ پەن ءو.الىمگەرەيەۆ، وبلىستىق ءارحيۆتىڭ ديرەكتورى ءا.مۇقتار، ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىنىڭ پروفەسسورى، ت.ع.ك. ج.جۇمابايەۆا جانە وبلىستىق تاريحي-مادەني مۇرانى قورعاۋ، قالپىنا كەلتىرۋ جانە پايدالانۋ جونىندەگى مەملەكەتتىك ينسپەكسياسىنىڭ باسشىسى م.كيپييەۆ جاڭا كىتاپ جونىندە پىكىر ايتىپ، ءسوز سويلەدى.

تۇسىرىلىمدەر وداقتىق جانە اۆتونوميالىق رەسپۋبليكالاردى زەرتتەۋ جونىندەگى ەرەكشە كوميتەتتىڭ، پروفەسسور س.رۋدەنكو باستاعان انتروپولوگيالىق وتريادىنىڭ 1926 جىلى اقتوبە گۋبەرنياسى مەن اداي ۋەزىنىڭ اۋماعىنا جۇرگىزگەن دالالىق عىلىمي-زەرتتەۋ ەكسپەديسياسى بارىسىندا جاسالعان.

فوتوسۋرەتتەردە قازاقتاردىڭ بەت-بەينەسى، شارۋاشىلىعى، كاسىبى، قولونەرى، باسپانا جانە تۇرعىن-جايى، ۇلتتىق ويىندارى مەن زيراتتارى كورىنىس تاپقان.

باسىلىم حح عاسىردىڭ 20-جىلدارىندا كاسپيي ماڭىنداعى كوشپەلى قازاقتاردىڭ تاريحى مەن ەتنوگرافياسىنا قاتىستى جارىق كورگەن العاشقى فوتوالبوم بولىپ تابىلادى.

فوتوالبومدى اتىراۋ وبلىسى تاريحي-مادەني مۇرانى قورعاۋ، قالپىنا كەلتىرۋ جانە پايدالانۋ جونىندەگى مەملەكەتتىك ينسپەكسياسىنىڭ باسشىسى م.كيپييەۆ باستاعان زەرتتەۋشىلەر قۇراستىردى. جاڭا كىتاپ-البومدى وقىرماندار ولكە تاريحىنىڭ وتكەن كەزەڭىن بەينەلەيتىن باعالى تۋىندى دەپ باعالادى.