استانا كۇنىنە وراي ماقتاارال اۋدانىندا 4 بىردەي نىسان ەل يگىلىگىنە بەرىلمەك. ولاردىڭ ەكەۋى مەكتەپ، بىرەۋى بالاباقشا، بىرەۋى مۇگەدەك بالالاردى وڭالتۋ ورتالىعى. سونداي-اق، ەلوردامىز استانا قالاسىنا 44  توننا  اۋىل شارۋاشالىعى ونىمدەرى جونەلتىلگەلى وتىر. بۇگىن وسىعان وراي اۋدان اكىمدىگىنىڭ اپپارات وتىرىسى ءوتتى. جيىندا بۇدان وزگە ماقتا زيانكەستەرىنە قارسى كۇرەس جۇمىستارىن كۇشەيتۋ، ءبىلىم ۇيالارىنىڭ قىسقا ازىرلىگى جانە «قاۋىن فەست» فەستيۆالىنە دايىندىق جۇمىستارى پىسىقتالدى.

جيىندى جۇرگىزىپ وتىرعان اۋدان اكىمى جامانتاي بەيسەنبايەۆ استانا كۇنىنە وراي ەل يگىلىگىنە بەرىلەتىن نىساندارداعى دايىندىق جۇمىستارىن نازاردا ۇستاۋدى ەسكەرتتى. سونداي-اق، مەرەكە كۇندەرى قوعامدىق ءتارتىپتى كۇشەيتۋدى جانە تازالىق ماسەلەسىنە كوڭىل بولۋگە شاقىردى.

 «استانا كۇنىنە وراي اۋدانىمىزدا 4 نىسان پايدالانۋعا بەرىلەتىن بولادى. وسىعان وراي دايىندىق جۇمىستارىن تاعى ءبىر پىسىقتاپ الۋىمىز قاجەت. سونىمەن قاتار استانا قالاسىنا جونەلتىلەتىن اۋىل شارۋاشىلىعى ونىمدەرىنىڭ ساپاسىنا ءمان بەرۋدى تاپسىرامىن. بۇگىندە بارلىق ونىمدەرىمىز ءپىسىپ، جەتىلدى. قاۋىن، قاربىز، تاعى دا باسقا كوكونىس تۇرلەرىنىڭ ءونىم كولەمى  جىلداعىدان جوعارى بولىپ وتىر. سوندىقتان استانا قالاسىنا بارىپ، ءوز ونىمدەرىن ساۋدالاعىسى كەلەتىندەرگە تاسىمال جاعىنان ياعني تەحنيكامەن قامتامىسىز ەتىپ بەرۋگە ءتيىسپىز»، - دەدى جامانتاي قاناي ۇلى.

جيىندا تاعى ءبىر ماڭىزدى ماسەلە – ماقتا زيانكەستەرىنە قارسى كۇرەس شارالارىنىڭ بارىسى تالقىلاندى. بۇگىندە اۋداندا ماقتا داقىلىنىڭ ءوسۋ قارقىنى جامان ەمەس. ەندىگى ماسەلە – اعىن سۋمەن قامتاماسىز ەتۋ بولىپ وتىر. وسى جايتتارعا توقتالعان اۋدان اكىمى الداعى 5-10 شىلدە كۇندەرى اۋدان شارۋالارىنا قاجەتتى 100 تەكشە مەتر اعىن سۋ بەرىلەتىن بولادى. ءبىر ايعا جۋىق ۇزدىكسىز بەرىلەتىن اعىن سۋدى ءتيىمدى ءارى ۇنەمدى نەگىزدە پايدالانعان ءجون.

بۇدان بولەك جيىندا اۋدانداعى ەگىستىك جەرلەردى سيفرلاندىرۋ ماسەلەسى دە ءسوز بولدى. ءقازىردىڭ وزىندە اۋدان كولەمىندەگى سۋارمالى جەرلەردىڭ 56، 5 پايىزى ەلەكتروندى كارتاعا ەنىپ ۇلگەرگەن. ياعني بۇل 76 مىڭ گەكتاردان استام ەگىستىك جەردى قۇرايدى.

اپپارات وتىرىسىندا ءبىلىم ۇيالارىنىڭ قىسقا دايىندىق جۇمىستارىن كۇشەيتۋ ماسەلەسى دە نازاردان تىس قالعان جوق. سونىمەن قاتار الداعى تامىز ايىندا ۇيىمداستىرىلاتىن «قاۋىن فەست» فەستيۆالىنە دايىندىق جۇمىستارى دا تاعى ءبىر رەت پىسىقتالدى.