«جاڭا گۋمانيتارلىق ءبىلىم. قازاق تىلىندەگى 100 جاڭا وقۋلىق» جوباسى اياسىندا مەملەكەتتىك تىلگە اۋدارىلعان العاشقى 17 اكادەميالىق جيناقتى  تالقىلاۋعا ارنالعان جيىن ءوتتى.

پروفەسسور-وقىتۋشىلار باس قوسقان وتىرىس بارىسىندا گۋمانيتارلىق باعىت، ياعني قازاق جانە اعىلشىن ءتىل ءبىلىمى عىلىمى سالالارىنىڭ وزەكتى ماسەلەلەرىنە ارنالعان «ءتىل بىلىمىنە كىرىسپە»، «ءتىل جانە مادەنيەتارالىق كوممۋنيكاسيا» اتتى اۋدارما ەڭبەكتەرى تالقىلاندى.

مەملەكەتتىك دەڭگەيدە ەلباسى ن.ءا.نازاربايەۆ قولداۋىنا يە بولعان بۇل اۋقىمدى جوبانى تالقىلاۋ كەڭەسىن ۋنيۆەرسيتەتتىڭ وقۋ ءىسى جونىندەگى پرورەكتورى، پەداگوگيكا عىلىمدارىنىڭ دوكتورى گۇلجان ساعيدوللا قىزى اشىپ، جۇرگىزىپ وتىردى.

جيىن بارىسىندا قازاق ءتىلى جانە ادەبيەتى كافەدراسىنىڭ مەڭگەرۋشىسى ا.ەلەۋوۆا، ۋنيۆەرسيتەت پروفەسسورى ق.ءجۇسىپ، فيلولوگيا عىلىمدارىنىڭ كانديداتتارى س.اتاشيەۆ، ج.مۇحامبەتوۆ، سونداي-اق گ.سابيروۆا ەڭبەك تۋرالى ءوز پىكىرلەرىمەن ءبولىستى.

اۋدارما ءىسى جانە شەتەل ءتىلى كافەدراسى مەڭگەرۋشىسى ا.حايىرجانوۆا جانە شەتەل ءتىلىن وقىتۋ ادىستەمەسى كافەدراسىنىڭ دوسەنتى ا.كاپاكوۆا، اعا وقىتۋشى ا.كۋدجانوۆتار قاتىسىپ، وزىندىك تۇجىرىمدارىمەن ءبولىستى.

12 تاراۋدان بۇل تۇراتىن «ءتىل بىلىمىنە كىرىسپە» ەڭبەگىندە ءتىل عىلىمى، فونەتيكا، گرامماتيكا، مورفولوگيا، سينتاكسيس، ءتىل جانە ادامنىڭ ميى سىندى ءتىل عىلىمى ماسەلەلەرى قاراستىرىلادى.ال، اعىلشىن ءتىل ءبىلىمىنىڭ عىلىمي-تەوريالىق ماسەلەسىن زەردەلەيتىن «ءتىل جانە مادەنيەتارالىق كوممۋنيكاسيا» جيناعىندا تۇلعارالىق قارىم-قاتىناس ماسەلەلەرىنە نەگىز بولاتىن تىلدىك ءادىسنامالار قوزعالادى.

پروفەسسور-وقىتۋشىلار اكادەميالىق جيناقتىڭ زاماناۋي وزەكتىلىگىنە توقتالىپ، عىلىمي اينالىمعا قاجەتتىلىگى تۋرالى ۇسىنىستارىن ايتى.