ەلباسى زىمىران-عارىش تەحنيكاسى مۋزەيىنىڭ اشىق ەكسپوزيسياسىن ارالادى

/uploads/thumbnail/20180702151538812_small.jpg

مەملەكەت باسشىسى «وڭىرلەردىڭ استاناعا تارتۋى» جوباسى اياسىندا قىزىلوردا وبلىسى سالعان زىمىران-عارىش تەحنيكاسى مۋزەيىنىڭ اشىق ەكسپوزيسياسىن ارالاپ كوردى. بۇل تۋرالى Qamshy.kz اقپارات اگەنتتىگى اقوردانىڭ باسپا ءسوز قىزمەتىنە سىلتەمە جاساپ حابارلادى. 

قازاقستان پرەزيدەنتى ەكسپوزيسيا اۋماعىندا قىزىلوردا وبلىسىنىڭ جۇرتشىلىق وكىلدەرىمەن اڭگىمەلەستى.

ەلباسىعا عارىش اپپاراتتارىن قۇراستىرۋ-سىناۋ كەشەنىنىڭ مۇمكىندىكتەرى تانىستىرىلدى.

اقوردا

مەملەكەت باسشىسى عىلىم مەن جاڭا تەحنولوگيالاردى دامىتۋ ىسىندەگى عارىش ونەركاسىبىنىڭ ماڭىزدىلىعىن اتاپ ءوتتى.

– مەنىڭ تاپسىرمام بويىنشا فرانسۋز تاراپىمەن بىرلەسىپ، جاساندى جەر سەرىگىن قۇراستىراتىن زاۋىتتى ىسكە قوستىق. جۋىردا ءوزىمىزدىڭ جەر سەرىكتەرىمىزدى قۇراستىرۋعا كىرىسەمىز. بىزدە زىمىران ۇشىراتىن قۇرىلعى بار،  2022 جىلعا قاراي «زەنيت» زىمىرانى دايىن بولادى. وسىلايشا، عارىش ونەركاسىبىمىز جاڭا تەحنولوگيالىق دەڭگەيگە كوتەرىلىپ، قازاقستان تولىققاندى عارىش دەرجاۆاسىنا اينالاتىن بولادى، – دەدى نۇرسۇلتان نازاربايەۆ.

***

مۋزەي «قازاقستان عارىش ساپارى» ۇلتتىق عارىش ورتالىعىنىڭ اۋماعىندا ورنالاسقان. استانانىڭ 20 جىلدىعىنا سىيعا تارتىلعان زىمىران-عارىش تەحنيكاسى مۋزەيىنىڭ اشىق ەكسپوزيسياسىندا «سويۋز»، «پروتون»، «زەنيت» زىمىران تاسىعىشتارىنىڭ، سونداي-اق «بوران» وربيتا كەمەسىنىڭ ۇلگىلەرى قويىلعان.

پىكىر قالدىرۋ

قاتىستى ماقالالار