تۇركىستان وبلىسىندا 5-6 شىلدە كۇندەرى اپتاپ ىستىق بولادى، دەپ حابارلايدى "حابار 24".

اۋا تەمپەراتۋراسى بۇل كۇندەرى 45 گرادۋسقا دەيىن جەتۋى مۇمكىن. قازگيدرومەت ماماندارى شىلدەنىڭ ەكىنشى جارتىسىندا عانا كۇن رايى وزگەرەدى دەيدى. وڭىردە جاڭبىر جاۋىپ، كۇن ازداپ سالقىندايدى.

ايتا كەتەرلىگى، جاز باستالعالى بالالار اراسىندا جەدەل ىشەك ينفەكسيالىق اۋرۋلارى ءورشي تۇسكەن. ماسەلەن شىمكەنتتەگى جۇقپالى اۋرۋلار اۋرۋحاناسىنا تۇسكەن ناۋقاستار سانى ەكى ەسە ارتتى. مۇندا جەدەل-جاردەم كولىگىمەن كەلەتىندەر سانى اپتاسىنا 1800-گە دەيىن بارادى. بۇل تاۋلىگىنە شاققاندا 250-300 ەمدەلۋشى بولىپ سانالادى. دارىگەرلەردىڭ ايۋىنشا، ولاردىڭ  بارلىعى بىردەي اۋرۋحاناعا جاتقىزىلمايدى. امبۋلاتورلىق ەم الۋعا مۇمكىندىگى بارلارى ەمحانالارعا جىبەرىلەدى.

گۇلنار يسابايەۆا، قالالىق جۇقپالى اۋرۋلار اۋرۋحاناسىنىڭ ءبولىم مەڭگەرۋشىسى:

"جەمىس-جيدەكتەردىڭ قاۋىن-قاربىزدىڭ پىسۋىنە دە بايلانىستى جەدەل ىشەك ينفەكسياسىمەن قارالىپ جاتقان ناۋقاستاردىڭ سانى ارتقان. ءبىز قارالعان ناۋقاستاردىڭ بارلىعىن جاتقىزا بەرمەيمىز. جاعدايىنا بايلانىستى ورتاشا جەڭىل تۇرلەرى بولاتىن بولسا، كەڭەسىمىزدى بەرىپ امبۋلاتورلىق جاعدايدا نەمەسە ۇيدە ەمدەلۋگە كەڭەس بەرىپ جىبەرەمىز".

سالتانات قونىس، ينجەنەر-سينوپتيك:

"اپتاپ ىستىق بىزدە شىلدەنىڭ 1 نەن باستالىپ كەتتى. قازىرگى كەزدە 6-7-8 ياعني مەيرام كۇندەرى قاتتى ىستىق كۇتىلەدى. نەگىزى شىلدە ايىنىڭ ءبىرىنشى ونكۇندىگىندە قاتتى ىستىق. پليۋس 40، +45 گرادۋس. شىلدە ايىندا بىزدە جاۋىن-شاشىن كۇتىلمەيدى. تەك 20-نان كەيىن عانا جاۋىن-شاشىن بولۋى مۇمكىن".