اتىراۋ وبلىسىنىڭ اكىمى نۇرلان نوعايەۆ جىلىوي اۋداندىق ءماسليحات دەپۋتاتتارىنا اليمۇحاممەد قۇتتىمۇرات ۇلىنىڭ باسقا جۇمىسقا اۋىسۋىنا بايلانىستى جاڭا اۋدان اكىمىنىڭ كانديداتۋراسىن ۇسىندى. ول – بۇرىن اتىراۋ وبلىستىق دەنەشىنىقتىرۋ جانە سپورت باسقارماسىنىڭ باسشىسى قىزمەتىن اتقارعان ازامات بەكەت.
ايماق باسشىسى كانديداتۋراسى ق ر پرەزيدەنت اكىمشىلىگىمەن كەلىسىلگەن ازامات بەكەتتىڭ ۇزاق جىلعى ەڭبەك ءوتىلى بار ەكەنىن اتاپ ءوتتى. وبلىس باسشىسى بۇعان دەيىن ومىردە، قىزمەتتە جيناعان تاجىريبەسى جاڭا اكىمگە جۇكتەلگەن مىندەتتەردى لايىقتى اتقارۋعا مۇمكىندىك بەرەتىنىنە سەنىم ءبىلدىردى.
دەپۋتاتتار جاڭا اكىمنىڭ كانديداتۋراسىن قولدادى.
ازامات بەكەت – جوعارى ءبىلىمدى، قازاق مەملەكەتتىك-قۇقىقتىق ۋنيۆەرسيتەتىن (قۇقىقتانۋ)، ەكونوميكا جانە قۇقىق اكادەمياسىن (قارجى) بىتىرگەن. قۇقىق قورعاۋ جانە جەرگىلىكتى اتقارۋشى ورگاندارىندا ەڭبەك ەتكەن.
2004-2013 ج.ج. ق ر ەكونوميكالىق جانە سىبايلاس جەمقورلىققا قارسى كۇرەس اگەنتتىگىندە قارجى پوليسياسى بولىپ قىزمەت اتقارعان. استانا، الماتى قالالارىندا، باتىس قازاقستان، الماتى وبلىستارىندا ەكونوميكالىق جانە سىبايلاس جەمقورلىققا قارسى كۇرەس دەپارتامەنتتەرىندە ەڭبەك ەتتى، دارەجەسى – قارجى پوليسياسى.
2013-2016 جىلدارى باتىس قازاقستان وبلىستىق دەنە شىنىقتىرۋ جانە سپورت باسقارماسىنىڭ باسشىسى بولدى.
2016 جىلدىڭ 11 مامىرىنان بۇگىنگە دەيىن اتىراۋ وبلىستىق دەنە شىنىقتىرۋ جانە سپورت باسقارماسىنىڭ باسشىسى لاۋازىمىن اتقاردى.
