الماتىدا كولىك قوزعالىسىنىڭ كەشەندى سىزباسىن ۇيىمداستىرۋ اياسىندا كىشى كولىك اينالىمى شەكاراسىنداعى جامبىل، قاراساي باتىر، قابانباي باتىر، بوگەنباي باتىر، گوگول، مۇراتبايەۆ جانە ءشارىپوۆ كوشەلەرىنە ءبىرجاقتى كولىك قوزعالىسى ەنگىزىلەدى. بۇل تۋرالى الماتى قالاسى اكىمدىگىنىڭ باسپا ءسوز قىزمەتى حابارلادى. 

مىسالى، ماقاتايەۆ كوشەسى بويىمەن قالداياقوۆ كوشەسىنەن مۇكانوۆ كوشەسىنە دەيىن باتىس باعىتتا. گوگول كوشەسى بويىمەن اۋەزوۆ كوشەسىنەن قالداياقوۆ كوشەسىنە دەيىن شىعىس باعىتتا.

بوگەنباي باتىر كوشەسى بويىمەن قالداياقوۆ كوشەسىنەن ماسانچي كوشەسىنە دەيىن شىعىس باعىتتا.

قاراساي باتىر كوشەسى بويىمەن باتىس باعىتتا ماسانچي كوشەسىنەن روزىباكييەۆ كوشەسىنە دەيىن. جامبىل كوشەسى بويىمەن شىعىس باعىتتا روزىباكييەۆ كوشەسىنەن ماسانچي كوشەسىنە دەيىن.

مۇراتبايەۆ كوشەسى بويىمەن رايىمبەك داڭعىلىنان شيەۆچەنكو كوشەسىنە دەيىن وڭتۇستىك باعىتتا. ءشارىپوۆ كوشەسى بويىمەن اباي داڭعىلىنان ماقاتايەۆ كوشەسىنە دەيىن سولتۇستىك باعىتتا.

بۇل شارا كەرەعار نۇكتەلەردى 50% ازايتۋعا، اپاتتى جاعدايلاردى قىسقارتۋعا، نەگىزگى ماگيسترالدى كوشەلەردە كولىك جۇكتەمەسىن تومەندەتۋگە ىقپال ەتەدى. اتالعان ۋچاسكەلەردە ورتاشا جىلدامدىقتى 12 كم/ساعاتقا ارتتىرۋ وتكىزۋ جولعا كەتەتىن ۋاقىتتى ورتاشا 17%-عا قىسقارتىپ، وتكىزۋ قابىلەتىن جاقسارتادى.

گوگول، ماقاتايەۆ جانە قابانباي باتىر كوشەلەرى بويىندا جولاۋشىلار كولىكتەرى ءۇشىن ارنايى جولاق جاسالادى، سونىڭ ارقاسىندا (سىزبادا كورسەتىلگەندەي) كەدەرگىسىز كولىك قوزعالىسى قامتاماسىز ەتىلەدى.

ايتا كەتەرلىگى، قالادا جول قوزعالىسى قاۋىپسىزدىگىن قامتاماسىز ەتۋ ءۇشىن جىلدامدىقتى تومەندەتۋ ءىسى قولعا الىندى، سونىڭ ارقاسىندا جوعارىدا اتالعان ۋچاسكەلەردە جوعارى جىلدامدىق 40 كم/ساعات. كولىك قوزعالىسىنىڭ جاڭا سىزباسى بيىلعى جىلدىڭ 5 تامىزىندا ەنگىزىلەدى.

ەسكە سالساق، وتكەن جىلى ءبىرجاقتى كولىك قوزعالىسى شيەۆچەنكو جانە قۇرمانعازى كوشەلەرىنە ەنگىزىلگەن ەدى.