«ۋيكيپەديا» پورتالى نارازىلىق رەتىندە ەۋروپالىق ءتورت ءتىلدىڭ جۇمىسىن توقتاتتى. بۇل تۋرالى DW.com حابارلادى.
پورتالدىڭ يتاليان، يسپان، لاتىش جانە پولياك تىلدەرىنە شەكتەۋ قويىلدى. وسىلايشا، سايت 5 شىلدەدە ينتەرنەتتەگى اۆتورلىق قۇقىق تۋرالى ديرەكتيۆاعا بەرىلەتىن داۋىسقا ەۋروپالىقتاردىڭ نازارىن اۋدارۋدى ماقسات ەتىپ وتىر.
«ەۋروپاداعى اۆتورلىق قۇقىق تۋرالى زاڭداردى جاڭارتىپ، ءارى بارلىق ازاماتتاردىڭ اقپاراتتىق قوعامعا اتسالىسۋىنا جاعداي جاساۋدىڭ ورنىنا، ديرەكتيۆا ءبارىن باسقاشا قاراستىرۋدا. ياعني، جاڭا كەدەرگىلەرى ارقىلى ونلاين تۇردە ارالاسۋ ەركىندىگىنە ءقاۋىپ تونگىزىپ، ينتەرنەتكە قول جەتىمدىلىكتى شەكتەپ جاتىر»، - دەپ جازىلعان DW.com بەرگەن حابارلامادا.
