ق ر مادەنيەت جانە سپورت مينيسترلىگىنىڭ ۇيىمداستىرۋىمەن اقمولا وبلىسى بۋراباي دەمالىس ايماعىندا وتكەن "Burabay Sammer Fest" I ءجاسوسپىرىم تالانتتاردىڭ حالىقارالىق فەستيۆالىنە قاتىسقان تۇركىستان وبلىسىنىڭ بۇلدىرشىندەرى ەلگە ورالدى.
«ۆوكالدىق ونەر» (ءداستۇرلى ءان، اكادەميالىق ءان، ەسترادالىق ءان)، «ينسترۋمەنتالدىق ورىنداۋشىلىق» (ءداستۇرلى ونەر، كلاسسيكالىق ونەر، ەسترادالىق ونەر)، «حورەوگرافيالىق ونەر» (حالىقتىق بي، كلاسسيكالىق بي)، سونداي-اق «كوركەمدىك وقۋ» نوميناسيالارى بويىنشا وتكەن فەستيۆالدە تۇركىستان وبلىسىنان 8 جانر بويىنشا 32 جاس دارىن قاتىسىپ، سونىڭ ىشىندە 7 ونەرپاز جۇلدەلى ورىنعا قول جەتكىزدى.
قاتىسۋشى جاس ونەرپازداردى شىمكەنت تەمىرجول ۆوكزالىندا اتا-انالارى، تۋىستارى، ۇستازدارى سالتاناتتى تۇردە كۇتىپ الدى.
ايتا كەتسەك، «Burabay Summer Fest» I ءجاسوسپىرىم تالانتتاردىڭ حالىقارالىق فەستيۆالىنە ەلىمىزدىڭ بارلىق وبلىستارىمەن قاتار جۇڭگو، بەلارۋسيا، رەسەي، قىرعىزستان، وزبەكستان، ءازىربايجان جانە تۇركيا سىندى ءبىرقاتار شەت مەملەكەتتەردەن 400-دەن اسا ونەرپاز قاتىسقان بولاتىن. ءار وڭىردەن بايشەشەكتەي باس كوتەرگەن دارىندارىنىڭ ونەر سايىسىندا ب ا ق سىناۋعا تۇركىستان وبلىسىنىڭ ونەرپازدارىنىڭ قاتىسۋىنا وبلىس اكىمدىگى مەن وبلىستىق مادەنيەت جانە تىلدەردى دامىتۋ باسقارماسى، وبلىستىق مادەنيەت جانە حالىق شىعارماشىلىعى ورتالىعى قولداۋ ءبىلدىردى.