ورال قالاسىنداعى №2 سوت عيماراتىندا جۋىردا اشىلعان مەدياسيا كابينەتى ءوز جۇمىسىن جۇيەلى جالعاستىرىپ كەلەدى.

– بۇگىندە ەلىمىزدەگى سوت جۇيەسىندەگى رەفورمالاردىڭ بىردەن-بىر كورىنىسى مەدياسيا راسىمدەرىنىڭ جۇرگىزىلۋى بولىپ تابىلادى. داۋلاردىڭ مەدياسيا ارقىلى شەشىلۋىنىڭ ءمانى مەن ماڭىزىن ارتتىرۋ بارىسىندا تاتۋلاسۋ كابينەتى اشىلىپ وتىر. بۇل كابينەتتە تاتۋلاسۋعا جاتاتىن تالاپ-ارىزدار بويىنشا داۋلاسۋشى ەكى جاقتى بەس كۇن ىشىندە كەلىسىمگە كەلتىرۋگە بارلىق مۇمكىندىك قاراستىرىلادى. №2 سوت وبلىستاعى جالپى ازاماتتىق ىستەردىڭ 75 پايىزىن قارايدى. ياعني ءتورت ءىستىڭ ۇشەۋى وسىندا قارالادى. قالعان ءتورت ءىستىڭ بىرەۋى اۋداندىق سوتتاردىڭ ەنشىسىندە. ولاردىڭ بارلىعى دەرلىك، ياعني 50 پايىزدان استامى مەدياسيالىق كەلىسىم، بىتىمگەرشىلىك كەلىسىم ارقىلى جانە سوت مەدياسيامەن شەشىلىپ جاتىر، – دەيدى بقو سوتىنىڭ ءتوراعاسى بەك امەت ۇلى.

تاتۋلاسۋ كابينەتىنە تاتۋلاستىرۋشى سۋديا رەتىندە التىن ايتۋاروۆا تاعايىندالعان بولاتىن. بۇل كابينەتتە اجىراسۋعا، مۇلىكتى بولىسۋگە، تۇرمىستىق جانە ەڭبەك داۋلارىن شەشۋگە ارنالعان ازاماتتىق ىستەرگە قاتىستى ەكى تاراپتىڭ تالاپ-ارىزدارى قارالاتىن بولادى. ەكى ايعا دەيىن سوزىلاتىن سوت تالقىلاۋىنا قاراعاندا، سوتقا دەيىنگى تاتۋلاسۋ تاراپتارعا سوتتا اۋرە-سارساڭعا تۇسپەۋگە، ۋاقىتتى جانە سوتقا جۇگىنۋگە بايلانىستى شىعىنداردى ۇنەمدەۋگە مۇمكىندىك بەرەدى. اسىرەسە، ءوزارا كەلىسۋ ارقىلى ەكى تاراپتىڭ تاتۋ قارىم-قاتىناسى ساقتالاتىن بولادى.

– جوعارى سوت ءتوراعاسىنىڭ وكىمىمەن تاتۋلاستىرۋ ءراسىمى بويىنشا پيلوتتىق جوبا قولعا الىنعان ەدى. بۇل تاتۋلاس كابينەتى ءوز جۇمىسىن اعىمداعى جىلدىڭ 10 مامىرى كۇنى باستاعان بولاتىن. وسى ارالىقتا مەنىڭ قاراۋىما  68 ازاماتتىق ءىس ءتۇسىپ،  13 ءىس مەدياسيا ارقىلى شەشىلدى. مەن №2 قالالىق سوتقا تۇسكەن ازاماتتىق ىستەردى قارايمىن. سوتقا تۇسكەن ارىزدى سوت وندىرىسىنە قابىلدانباستان بۇرىن بەس جۇمىس كۇنى ىشىندە تەز ءارى ەكى تاراپتىڭ ءوزارا كەلىسىمىمەن شەشۋىم قاجەت. جوعارىدا قارالعان ىستەردى ساناتتارعا ءبولىپ ايتساق، سەگىزى اجىراسۋ جونىندەگى تالاپ-ارىز، ەكەۋى جول-كولىك وقيعاسى بويىنشا كەلتىرىلگەن زياندى ءوندىرىپ الۋ، بىرەۋى ار-نامىستى قورعاۋ جانە ەكەۋى قارىزدى قايتارىپ الۋ جونىندەگى ىستەر بولدى، – دەيدى №2 ورال قالالىق سوتىنىڭ سۋديا-مەدياتورى التىن ايتۋاروۆا.  .

تاتۋلاسۋ كابينەتى وبلىسىمىزداعى مەدياتورلاردىڭ  ءوزارا تاجىريبە الماسىپ، وي بولىسەتىن ادىستەمەلىك ورتالىق رەتىندە دە قىزمەت ەتەتىن بولادى.