استانا كۇنى قارساڭىندا باتىس قازاقستان وبلىسى قازتالوۆ اۋدانىنىڭ جالپاقتال اۋىلىندا  جاڭا ۇلگىدەگى مودەلدى كىتاپحانا اشىلدى.

مودەلدى كىتاپحانا جاڭا مۇمكىنشىلىكتەرگە جول اشادى. عىلىمي-تەحنيكا دامىعان زاماندا  اتالمىش كىتاپحانانىڭ ماڭىزى زور ەكەنى انىق. اسىرەسە، ونىڭ ەرەكشەلىگى - مۇندا  كىتاپتاردىڭ ەلەكتروندى اقپاراتتار قورى قالىپتاستىرىلىپ، كىتاپحانالىق قورلار دامىتىلادى، ماتەريالدى-تەحنولوگيالىق بازا نىعايتىلىپ، وقىرماندار عالامتور جۇيەسىن پايدالانا الادى. 

اۋىل حالقىن استانا كۇنى مەرەكەسى قارساڭىنداعى قۋانىشتارىمەن قۇتتىقتاعان قازتالوۆ اۋدانىنىڭ  اكىمى ابات  شىنىبەكوۆ مودەلدى كىتاپحانا اۋىل وقىرماندارىنىڭ سۇرانىسىنا قىزمەت ەتىپ، جاڭا جۇيەدە جۇمىس جاساۋلارىنا تىلەكتەستىگىن جەتكىزدى.

- ادام بالاسى كىتاپ وقىماي، تەك قانا عالامتور نەمەسە تەلەديدارمەن ءبىلىمدى بولا المايدى. سوندىقتان، ۇرپاعىمىز كۇن سايىن كىتاپ وقىپ، ۇنەمى ىزدەنىستە بولۋ كەرەك. بۇگىنگى اشىلىپ وتىرعان مودەلدى كىتاپحانا مەكتەپ پەن اۋىل تۇرعىندارى ءۇشىن اسا قاجەت رۋحاني وردا، -دەگەن اۋدان باسشىسىجالپاقتال اۋىلدىق كىتاپحاناسىنا مودەلدى كىتاپحانا ستاتۋسى بەرىلگەندىگى تۋرالى سەرتيفيكاتتىن تابىس ەتتى. جالپاقتال جۇرتشىلىعى ءۇشىن مودەلدى كىتاپحانانىڭ اشىلۋى ۇلكەن قۋانىش. كىتاپحانا رۋحاني وردا زاماناۋي تالاپقا ساي جابدىقتالعان جانە قىزىقتى دەگەن كىتاپ-جۋرنالداردىڭ بارلىعىن دا وسى جەردەن تابۋعا بولادى. جەرگىلىكتى تۇرعىنداردىڭ كوركەم ادەبيەتكە، جالپى كىتاپ وقۋعا دەگەن قىزىعۋشىلىعى ارتادى دەپ سەنەمىز،- دەدى ابات اباي ۇلى.

مودەلدى كىتاپحانا – وقىرماندارعا قىزمەت كورسەتۋدى جوعارى ساتىعا كوتەرەتىن جاڭا كىتاپحانانىڭ ستاندارتى. بۇگىندە جالپاقتال كىتاپحاناسىندا 30 مىڭنىڭ ۇستىندە كىتاپ قورى بار. وقىرماندار كىتاپحانادا سونداي-اق،  عالامتور جۇيەسىن دە پايدالانا الادى.لەنتا قيۋ راسىمىنەن سوڭ قوناقتار جاڭادان اشىلعان كىتاپحانانى ارالاپ، ونداعى بولىمدەرمەن تانىستى.