ءاليا عالىموۆا باتىس قازاقستان وبلىسىنىڭ ازاماتتىق قوعام وكىلدەرىمەن كەزدەسۋ وتكىزدى
ازاماتتىق سەكتور قازاقستانداعى وتباسىلىق جانە گەندەرلىك ساياساتتى جۇزەگە اسىرۋداعى نەگىزگى سەرىكتەس بولىپ تابىلادى.
بۇل تۋرالى ق ر قوعامدىق دامۋ مينيسترلىگىنىڭ ازاماتتىق قوعام كوميتەتىنىڭ ءتورايىمى ءاليا عالىموۆا ورال قالاسىندا وتكەن «مەملەكەتتىك ورگاندار مەن ۇەۇ-لاردىڭ گەندەرلىك ساياساتتى جۇزەگە اسىرۋداعى ءوزارا ءىس-قيمىلى. ايماقارالىق ىنتىماقتاستىق تاجىريبەسى» اتتى حالىقارالىق كونفەرەنسيادا مالىمدەدى.
كونفەرەنسيادا قوعامدى دامىتۋدا ايەلدەردىڭ ءرولى، مەملەكەتتىك ورگانداردىڭ جانە ۇكىمەتتىك ەمەس ۇيىمداردىڭ قوعامدىق سانانى جاڭعىرتۋ كونتەكستىندە وتباسىلىق جانە گەندەرلىك ساياسات تۇجىرىمداماسىن ىسكە اسىرۋداعى ءوزارا ءىس-قيمىلى تالقىلاندى.
كونفەرەنسياعا قازاقستان رەسپۋبليكاسى پارلامەنتى ءماجىلىسىنىڭ جانە باتىس قازاقستان وبلىستىق ءماسليحاتىنىڭ دەپۋتاتتارى، ورتالىق مەملەكەتتىك ورگانداردىڭ، ۇكىمەتتىك ەمەس ۇيىمداردىڭ، بيزنەس-قۇرىلىمداردىڭ وكىلدەرى، رەسەي فەدەراسياسىنىڭ ورىنبور، ساراتوۆ، سامارا، ۆولگوگراد جانە استراحان وبلىستارىنىڭ دەلەگاسيالارى قاتىستى.
ءاليا عالىموۆا ءوز سوزىندە ازاماتتىق قوعام گەندەرلىك جانە وتباسىلىق سالاسىنداعى مەملەكەتتىك ساياساتتى جۇزەگە اسىرۋداعى نەگىزگى سەرىكتەس ەكەنىن اتاپ ءوتتى.
«2017 جىلعى مالىمەتتەرگە سايكەس، ازاماتتىق قوعام مەن مەملەكەتتىڭ ينستيتۋتتارى اراسىنداعى قاتىناستاردى وڭ باعالايتىن حالىقتىڭ ۇلەسى 61،3% -دى قۇرادى. الەۋمەتتىك زەرتتەۋلەردىڭ ناتيجەلەرى مەملەكەت پەن ازاماتتىق سەكتور اراسىنداعى سەرىتەستىك دەڭگەيى جوعارى ەكەنىن كورسەتەدى. ازاماتتىق قوعامنىڭ بەلسەندى ينستيتۋتتارىنىڭ ءبىرى ۇكىمەتتىك ەمەس ۇيىمدار بولىپ تابىلادى. قازىرگى ۋاقىتتا قازاقستاننىڭ 14315 ۇەۇ-ىنىڭ 500-دەن استامى ايەلدەر ۇەۇ بولىپ تابىلادى»، - دەدى ءا.عالىموۆا،
سپيكەردىڭ ايتۋى بويىنشا اۋىلدىق جەرلەردە ايەل كوشباسشىلىعىن دامىتاتىن بيزنەس-وقىتۋلار، قايتا دايارلاۋ كۋرستارىنىڭ جەتىسپەۋشىلىلىگى بايقالىپ وتىر. سونداي-اق، سپيكەر گەندەرلىك ساياسات سالاسى مەن تۇرمىستىق زومبىلىقتىڭ الدىن-الۋعا باعىتتالعان الەۋمەتتىك جوبالارلاردىڭ سانى ازايعانىن اتاپ ءوتتى.
مىسالى، ەگەر سوڭعى 3 جىلدا كورسەتكىش جالپى جوبالار سانىنىڭ 5% ىن قۇراسا، (بارلىعى 302 جوبا: 2015 ج. – 90، 2016 ج. – 88، 2017 ج. -124)، وتكەن جىلى ول 3،9% قۇرادى (90 جوبا).
سپيكەر ايەل ادامداردى ىلگەرىلەتۋدىڭ ينستيتۋسيونالدىق مەحانيزمدەرىمەن بىرگە گەندەردىك تەڭدىككە قاتىستى تاجىريبەگە زەرتتەۋ جۇمىستارىن ەنگىزۋدى ۇسىندى. ونىڭ ويىنشا، اتالعان ينستيتۋتتار گەندەرلىك تەڭدىك پەن بالالار مەن ايەلدەرگە قاتىستى تۇرمىستىق زورلىقتى جويۋ ماسەلەلەرىن دامىتۋ بويىنشا ناقتى مەحانيزمدەردى ەنگىزۋ قاجەت.
ا.گاليموۆا ۇەۇ الەۋەتىن ۇزاق مەرزىمدى جوبالارعا تارتۋدىڭ، ، ونىڭ ىشىندە ەرتە جۇكتىلىكتىڭ الدىن الۋ، اۋلدىق جەردەگى ايەلدەردى قولداۋ، تۇرمىستىق سالادا ايەلدەرگە قاتىستى قۇقىق بۇزۋشىلىقتاردى بولعىزباۋ سەكىلدى گەندەر سالاسىنداعى ماڭىزدى جوبالاردى كەڭەيتۋدىڭ ماڭىزدىلىعىنا دا توقتالدى.
سونىمەن قاتار، ازاماتتىق قوعام كوميتەتىنىڭ ءتورايىمى ءاليا عالىموۆا باتىس قازاقستان وبلىسىنا جۇمىس ساپارى بارىسىندا وڭىرلىك ۇكىمەتتىك ەمەس ۇيىمداردىڭ وكىلدەرىمەن كەزدەستى. كەزدەسۋ بارىسىندا مەملەكەتتىك ورگاندار مەن ۇەۇ ءوزارا ءىس-قيمىلى سالاسىنداعى وزەكتى ماسەلەلەر تالقىلاندى. ونىڭ ىشىندە، وبلىستاعى ۇكىمەتتىك ەمەس ۇيىمداردىڭ ماتەريالدىق-تەحنيكالىق قامتىلۋى جانە وبلىستا الەۋمەتتىك كاسىپكەرلىكتى دامىتۋ ماسەلەسى قوزعالدى.
سونداي-اق، ساپار بارىسىندا ا.عالىموۆا «رۋحاني جاڭعىرۋ» وڭىرلىك جوبالىق كەڭسەسىندە بولىپ، ىسكە اسىرىلعان جانە جوسپارلانعان جوبالارمەن تانىستى.
