ورال قالاcىنداعى مامانداندىرىلعان حقكو ونلاين رەجىمدە قىزمەت كورسەتە باستادى. وڭىرىمىزگە ارنايى جۇمىس ساپارىمەن كەلگەن ق ر پارلامەنت ءماجىلىسىنىڭ دەپۋتاتتارى ەۆگەنيي كوزلوۆ، گلەب ششەگەلسكيي، سەرگەي سيمونوۆ، سنەجاننا يماشيەۆا زاشاعان كەنتىندەگى اتالمىش  ورتالىقتىڭ قىزمەتىمەن  تانىستى.

ورال شاھارىنداعى مامانداندىرىلعان حالىققا قىزمەت كورسەتۋ ورتالىعىنا ونلاين رەجىمدە جۇرگىزۋشى كۋالىگى مەن جەكە كولىكتى ەسەپتەن شىعارۋ ءۇشىن  ۇيدە وتىرىپ-اق ءوتىنىش جىبەرىپ، دايىن قۇجاتتى ورتالىقتان نەمەسە قازپوشتا ارقىلى الۋلارىنا بولادى. جەرگىلىكتى تۇرعىندار ءۇشىن بۇل ۋاقىت ۇنەمدەۋدىڭ ءتيىمدى جولى تابىلادى. مۇندا  ازاماتتار جەكە  كولىكتەرىن 90 مينۋتتىڭ ىشىندە تىركەپ، جۇرگىزۋشى كۋالىگىنە ەكى ساعاتتا  قول جەتكىزە الادى.  ورال قالالىق مامانداندىرىلعان حقكو-نىڭ جەتەكشىسى لۋيزا قۇسايىنوۆانىڭ  ايتۋىنشا، مۇندا كۇنىنە شامامەن 500-600 تۇرعىنعا قىزمەت كورسەتىپ، ايىنا سەگىز مىڭعا جۋىق وتىنىشتەردى قابىلدايدى. 

– مامانداندىرىلعان حقكو العاش قاراعاندىدا  اشىلعان بولاتىن. بۇگىندە ەلىمىز بويىنشا بارلىق وڭىردە بار.  بۇل ورتالىق – سولاردىڭ ىشىندەگى ەڭ جاڭا ءارى حالىققا قىزمەت كورسەتۋ ورتالىقتارىنىڭ ىشىندەگى ۇزدىكتەرىنىڭ ءبىرى. ورتالىق عيماراتىنىڭ ءىشى وتە كەڭ، اۋلاسىندا كولىك جۇرگىزۋشىلەر ءۇشىن بارلىق جاعداي جاسالعان. ەلەكتروندىق قىزمەت ستاندارتتارعا ساي جۇمىس ىستەۋدە. ەلەكتروندى كەزەكتە جۇيەلى جولعا قويىلعان. مۇنداي ورتالىقتار تۇرعىندار ءۇشىن ءتيىمدى، – دەدى ق ر پارلامەنت ءماجىلىسىنىڭ  دەپۋتاتى  سنەجاننا يماشيەۆا.

دەپۋتاتتار كەزدەسۋ بارىسىندا ەلباسى جاريالاعان  الەۋمەتتىك باستامالاردىڭ جۇزەگە اسىرىلۋ بارىسى، سيفرلاندىرۋدىڭ تيىمدىلىگى  تۋرالى ايتىپ، ارنايى مامانداندىرىلعان حالىققا قىزمەت كورسەتۋ ورتالىعىنىڭ جۇمىسىنا  وӊ باعاسىن بەردى.