ورال قالاسىندا «7-20-25» باعدارلاماسى بويىنشا العاشقى نەسيە بەرىلدى.
– «ءاربىر وتباسىنا باسپانا الۋدىڭ جاڭا مۇمكىندىكتەرىن بەرۋ» باستاماسىن ىسكە اسىرۋ شەڭبەرىندە قازاقستان ۇلتتىق بانكى «7-20-25» جاڭا يپوتەكالىق باعدارلاماسىن بەكىتىپ، «باسپانا» ارنايى ۇيىمىن قۇرعان بولاتىن. حالىقتىڭ جاعدايىن جاقسارتۋدى كوزدەيتىن باعدارلاما بويىنشا يپوتەكانىڭ جىلدىق مولشەرلەمەسى 7 پايىز بولسا، باستاپقى جارنا نەسيەگە الىناتىن ءۇي قۇنىنىڭ 20 پايىز مولشەرىندە، سونداي-اق نەسيە مەرزىمى 25 جىلعا دەيىن ەسەپتەلگەن. اتالمىش باعدارلاماعا باسپاناسى جانە باسقا دا يپوتەكالىق قارىزدارى جوق قازاقستاندىقتار قاتىسا الادى. سونداي-اق باعدارلاماعا قاتىسۋشىنىڭ تۇراقتى راستالعان كىرىسى بولۋى قاجەت. تۇرعىن ءۇي ساتىپ الۋ ءۇشىن استانا، الماتى، اقتاۋ جانە اتىراۋ قالالارى ءۇشىن پاتەر باعاسىنىڭ ەڭ جوعارعى شەگى 25 ميلليون تەڭگە بولسا، قالعان وڭىرلەرگە 15 ملن. تەڭگە دەپ بەلگىلەنگەن. ال يپوتەكالىق قارىزدار تەك ۇلتتىق ۆاليۋتامەن بەرىلەدى. نىسانالى ينديكاتورلارعا سايكەس يپوتەكالىق كرەديتتەردىڭ جالپى كولەمى 1 تريلليون تەڭگەنى قۇرايدى. كۇنى بۇگىن «سەنتركرەديت» بانكى، «ەۋرازيالىق» بانك، «اتف» بانك، «سەسنابانك»، «حالىق» بانكى، «ربك» بانك جانە «قازاقستاننىڭ تۇرعىن ءۇي قۇرىلىس جيناق بانكى» «7-20-25» باعدارلاماسىنا قوسىلعان. جىل سوڭىنا دەيىن «سبەربانك» پەن «فورتە» بانك تە قوسىلماق. بۇل بانكتەر يپوتەكالىق كرەديتتەردى اتالمىش باعدارلامانىڭ تالاپتارىنا ساي بەرىپ، «باسپانا» ارنايى ۇيىمى نەسيەلەردى ساتىپ الادى، – دەدى ق ر ۇلتتىق بانكى بقو فيليالىنىڭ ديرەكتورى قوزىباق ءابۋ ۇلى.
باعدارلاماعا قاتىساتىن تۇلعا قارىز الۋشى بانككە ەڭبەك نەمەسە كاسىپكەرلىك قىزمەتتەن كىرىسىنىڭ بولۋىن راستايتىن قۇجاتتاردى، يپوتەكالىق تۇرعىن ءۇي قارىزدارى بويىنشا وتەلمەگەن بەرەشەگىنىڭ بولماۋى تۋرالى مالىمەتتى، تۇرعىن ءۇيىنىڭ جوقتىعىن راستايتىن انىقتاما، ساتىپ الاتىن تۇرعىن ءۇي قۇجاتتارىن جانە تاۋەلسىز باعالاۋشىنىڭ باعاسىن ۇسىنۋى ءتيىس.
قوزىباق ءابۋ ۇلى ايتىپ وتكەندەي، باعدارلاماعا قاتىستى بارلىق اقپاراتتى www.baspana72025.kz سايتىنان الۋعا بولادى. سونداي-اق +7(727) 227-20-25 تەگىن ءنومىرى بويىنشا cوll-ورتالىق تاۋلىك بويى جۇمىس جاسايدى. ال ءقازىر باعدارلامانىڭ ءموبيلدى قوسىمشاسى ازىرلەنۋدە.
پىكىر قالدىرۋ