باتىس قازاقستان وبلىسى مامانداندىرىلعان اۋدانارالىق ەكونوميكالىق سوتى بىتىمگەرشىلىك راسىمدەرىن جانە مەدياسيا ينستيتۋتىن ودان ءارى دامىتۋ ماقساتىندا سيفرلىق تەحنولوگيانى قولدانىپ، ۇيالى تەلەفون (8 705 872 7152) جانە WhatsApp (8 705 872 7152)، Facebook الەۋمەتتىك پاراقشاسىندا (مەدياسيا سمەس ەكو) قاۋىرت جەلىنى ىسكە قوستى.
وسى قاۋىرت جەلىگە تۇرعىندار داۋدى (جانجالدى) مەدياسيا تارتىبىمەن رەتتەۋ تۋرالى كەلىسىم جاساۋ، ونى ورىنداۋ ءتارتىبى مەن جاعىمدى جاعى جانە سالدارى تۋرالى جەدەل اقپارات جانە سۇراقتارعا ناقتى جاۋاپ الا الادى.
«مەدياسيا تۋرالى» زاڭ كۇشىنە ەنگەلى وسى زاڭ تۋرالى سوت سالاسى قىزمەتكەرلەرى، ادۆوكاتتار مەن قاراپايىم حالىق اراسىندا جان-جاقتى ءتۇسىندىرۋ جۇمىستارى ءجۇرىپ جاتىر. جەكە جانە زاڭدى تۇلعالار قاتىساتىن ازاماتتىق، ەڭبەك، وتباسىلىق، سونداي اق، اسا اۋىر ەمەس، اۋىرلىعى ورتاشا قىلمىستارعا قاتىستى ىستەرگە مەدياسيا ءتارتىبىن قولدانۋعا بولادى. مەدياسيانىڭ ماقساتى تاراپتاردىڭ داۋلاسۋشىلىق دەڭگەيىن تومەندەتۋ، ياعني قاراپايىم تىلمەن ايتقاندا، تاراپتاردى بىتىمگەرلىككە شاقىرۋ بولىپ تابىلادى. مەدياسيا بارىسىندا تاراپتار وزدەرىنىڭ قالاۋى بويىنشا تالاپ مولشەرىن ۇلعايتۋعا نەمەسە كەمىتۋگە، ءتىپتى داۋدان باس تارتۋعا قۇقىلى. ەكى جاقتىڭ دا تالابىن داۋدامايسىز-اق شەشۋگە قول جەتكىزۋ مەدياتورلاردىڭ باستى ماقساتتارىنىڭ ءبىرى دە بىرەگەيى دەسە بولادى. جەكە ازاماتتار مەن جالپى قوعام ءۇشىن ماڭىزى جوعارى بۇل ءىستى جۇرگىزۋ بارىسىندا مەدياتورلار تاراپتاردان، مەملەكەتتىك ورگانداردان جانە وزگە دە لاۋازىمدى، جەكە تۇلعالاردان تاۋەلسىز بولادى.
راسىندا، قازاق حالقىنا وزىنە ءتان بىتىمگەرلىگى، مامىلە جاساۋ ۇلگىسى- الەم جۇيەسىندە قازىلىق جاساۋدىڭ ەڭ وزىق ونەگەسى سانالادى. ەندىگى كۇنى جەر داۋى مەن جەسىر داۋى، قۇن ءوندىرۋ سەكىلدى بىتىسپەستىڭ ءبىتىمىن كەسىپ ايتاتىن، تولعاقتى دۇنيەنى توعىز اۋىز سوزبەن تۇيىندەپ، تاتۋلاستىرىپ تارقاتاتىن بابامىزدىڭ بيلىك جاساۋ ونەرى، داۋ شەشۋدىڭ وزىق جۇيەسى مەدياسيانىڭ، قوعامعا كەلتىرەر تيىمدىلىگى مول بولماق.
جەرگىلىكتى تۇرعىندار تاراپنان قانداي دا ءبىر سۇراقتار بولسا 8 705 872 7152 ۇيالى تەلەفون نومىرىنە تەلەفون سوعۋلارىنا نەمەسە «WhatsApp» قوسىمشاسىنا جانە «مەدياسيا سمەس ەكو» Facebook پاراقشاسىنا جازۋلارىنا بولادى.
