"ءالىبي ءىسى" باستى فيگۋرانتى قايرات جامالييەۆ بوستاندىققا شىقتى، - دەپ حابارلايدى Tengrinews.kz. ونىڭ وتەلمەگەن جازاسى ايىپپۇلعا اۋىستىرىلدى. 

"قازىرگى ۋاقىتتا جامالييەۆ ق.س. قاج مەكەمەلەرىندە ەسەپتە جوق. ق ر قىلمىستىق كودەكسىنىڭ 73-بابى 3-بولىگىنە سايكەس اقمولا وبلىسى كوكشەتاۋ قالالىق سوتىنىڭ شەشىمىمەن قالعان وتەلمەگەن جازاسى ايىپپۇلعا اۋىستىرىلدى"، - دەپ حابارلادى ق ر قاجك وكىلدەرى رەسمي ساۋالعا بەرگەن جاۋابىندا. 

قايرات جامالييەۆ 2015 جىلدىڭ تامىزىندا 13 جىلعا باس بوستاندىعىنان ايىرىلعان ەدى. سوت ونىڭ بارلىق مۇلكىن تاركىلەۋ تۋرالى شەشىم شىعارعان. ونىڭ ىشىندە جشس-داعى ۇلەسى، بانكتەگى ەسەپشوتتارى جانە بىرنەشە كولىك بار. كەيىن قايرات جامالييەۆتىڭ وتىنىشىمەن كاسساسيالىق ينستاسيا جابىرلەنۋشى ءالىبي جۇماعۇلوۆتىڭ پىكىرىن ەسەپكە الا وتىرىپ، سوتتالۋشىنىڭ ارەكەتىن باسقا باپقا اۋىستىرعان. وسىلايشا جامالييەۆتىڭ جازا مەرزىمى 13 جىلدان 7 جىلعا ازايتىلعان.

2017 جىلدىڭ جەلتوقسانىندا الماتى وبلىستىق سوتى پروكۋرورلاردىڭ قايرات جامالييەۆتى قونىس كولونياسىنا اۋدارۋ تۋرالى ءبىرىنشى ينستانسيا شەشىمنە قاتىستى اپەللياسيالىق ارىزىن قاراستىرعان. سوتتالۋشى قونىس كولونياسىنا اۋدارىلعان، مۇندا ول 2017 جىلدىڭ 10 قاراشاسىنداعى جاعداي بويىنشا 4 جىل 4 اي جانە 28 تاۋلىك بولۋى ءتيىس ەدى.  "

ءىسى" الەۋمەتتىك جەلىلەردە تاراعان اقپاراتتار مەن ۆيدەولاردان كەيىن بۇكىل ەلگە بەلگىلى بولعان. 2015 جىلدىڭ ساۋىرىندە ءالىبي جۇماعۇلوۆتىڭ اكەسى سوققىعا جىعىلعان بالاسىنىڭ سۋرەتتەرىن جاريالاعان.