مەملەكەت باسشىسى قازاقستاننىڭ ەڭبەك سىڭىرگەن سپورت شەبەرى دەنيس تەننىڭ قايعىلى قازاعا ۇشىراۋىنا بايلانىستى ونىڭ وتباسىنا كوڭىل ايتتى، دەپ حابارلايدى Qamshy.kz اقپارات اگەنتتىگى اقوردانىڭ باسپا ءسوز قىزمەتىنە سىلتەمە جاساپ.
«قازاقستاننىڭ بەلگىلى سپورتشىسى، 2014 جىلعى قىسقى وليمپيادا ويىندارىنىڭ قولا جۇلدەگەرى دەنيس يۋريەۆيچ تەننىڭ قايعىلى قازاعا ۇشىراعانى تۋرالى حاباردى زور كۇيزەلىسپەن قابىلدادىم. ورنى تولماس قازاعا بايلانىستى كوڭىل ايتامىن.
دەنيس تەن مانەرلەپ سىرعاناۋدىڭ وتاندىق مەكتەبىن قالىپتاستىرۋعا جانە دامىتۋعا، قازاقستان سپورتىن جوعارى دەڭگەيدە ىلگەرىلەتۋگە زور ۇلەس قوستى. ونىڭ جارقىن جەتىستىكتەرى ەلىمىزدىڭ ابىرويىن اسقاقتاتىپ، جاستار اراسىندا سپورتتى دارىپتەۋگە سەپتىگىن تيگىزدى.
تالانتى الەمنىڭ كوپتەگەن ەلدەرىندە مويىندالعان دەنيس داڭقتى سپورتشى عانا ەمەس، سونداي-اق ءبىتىمى ەرەكشە تۇلعا، قازاقستاننىڭ ناعىز پاتريوتى ەدى.
دەنيس يۋريەۆيچ تەننىڭ جارقىن بەينەسى ءبىزدىڭ جۇرەگىمىزدە ماڭگى ساقتالادى»، – دەلىنگەن جەدەلحاتتا.
