جالپى، اقش پرەزيدەنتى د. ترامپتىڭ حەلسينكيدەگى رەسەي پرەزيدەنتى ۆ.پۋتينمەن كەزدەسۋىن الەم اقپارات قۇرالدارى سان ساققا جۇگىرتىپ، الۋان اڭگىمەلەردىڭ تيەگى اعىتىلعانى ايقىن.

مۇنداعى ءپۋتيننىڭ اقش-تاعى 2016 جىلعى پرەزيدەنت سايلاۋىنا ىقپال ەتكەنى انىق بولدى. رەسەي پرەزيدەنتى قاشانعى ادەتىنشە بۇل اقپاراتتى جوققا شىعارىپ، بەت باقتىرماسا، ال، ترامپ بولسا،  بىرەسە ءپۋتيندى اشىق قولداپ، بىرەسە، ەندى ءپۋتيندى ايامايمىن دەگەن سىڭايدا قوقان-لوقى كورسەتكەن مىنەزى دە تۇسىنىكسىز كۇيىندە قالعانداي...

اقش پرەزيدەنتى كەنەت 180 گرادۋسقا كىلت بۇرىلىپ، ءپۋتيندى اقش-قا وسى كۇزگە رەسمي شاقىرعانى تاعى قىزىق. ايتەۋىر، اقش پرەزيدەنتى رەسەي پرەزيدەنتى دەسە، سالماعىنان ايرىلىپ قالاتىنى تاعى دا تۇسىنىكسىز كۇيىندە قالاپ وتىر...

ال، اقش كونگرەسى(بىزشە پارلامەنتى) رەسەيگە سانكسيانى كۇشەيتۋ تۋرالى ايتا باستادى. اقش-تىڭ زاڭى بويىنشا مىڭ جەردەن پرەزيدەنت بولسا دا، كونگرەسكە اشىق قارسى شىعا المايتىنى تاعى بار.

رەسەيدە نەمەسە بىزدەگى سياقتى ماڭگىلىك كوسەمدەر بيلىكتە وتىرعاندا، ونداي دەموكرات دەپۋتاتتاردى وسىنداي قادامعا بارعانى ءۇشىن سول ساتتە كۇشتەپ تاراتىپ جىبەرىپ، ۇيىمداستىرۋشىلاردىڭ سوڭىنان شىراق الىپ تۇسەتىنى وتىرىك ەمەس قوي...

ال، وسىعان قاراعاندا مۇقيتتىڭ ارعى جاعىنداعى اقش-تا ناعىز دەموكراتيانىڭ سالتانات قۇرعانى راس بولسا كەرەك(بۇل ارينە ءبىز سياقتى سارى اۋىز مەملەكەتتەر ءۇشىن ارمان)!..

ترامپتىڭ نەگە پۋتينگە سونشالىقتى ەمەشەگى ۇزىلە قالتىنىڭ سىرى نەدە ەكەن؟..

بۇل دا  ءبىز ءۇشىن جۇمباق بولىپ قالىپ وتىر...

جۇماش كوكبورى