الماتى قالاسى ساۋلەت جانە قالا قۇرىلىسى باسقارماسىندا «سايران» اۆتوۆوكزالىنىڭ قايتا جوندەۋدەن كەيىنگى كورىنىسى ءمالىم بولدى.

اۆتوۆوكزال اۋماعىندا كولىك لوگيستيكاسى سالىنىپ، ۆوكزال ماڭىن مەن جاياۋ جۇرگىنشى اۋماعى كەڭەيتىلەدى. جوبا بويىنشا سۋبۇرقاقتار، اۆتوتۇراقتار، جاسىل ايماق پەن بالالار الاڭىن سالۋ قاراستىرىلعان.

سونداي-اق ۆوكزال الاڭىنداعى زاڭسىز قۇرىلىستاردى جويۋ جوسپارلانعان.

«جانارماي قۇيۋ ستانساسى مەن كولىك جۋاتىن ورىندى بۇزۋ تۋرالى كەلىسىم جاسالدى. باستى مىندەت - اۆتوۆوكزال عيماراتىن باستاپقى قالپىنا كەلتىرۋ»،- دەپ ءمالىم ەتتى باسقارمادا.

اۆتوۆوكزالدا تۇبەگەيلى وزگەرىستەر بولمايتىندىقتان، عيماراتتىڭ سىرتىن وزگەرتۋ ازىرگە جوسپاردا جوق.

1983 جىلى سالىنعان، 60 مىڭ شارشى مەتردە ورنالاسقان اۆتوۆوكزالدىڭ 7 مىڭ شارشى مەتر اۋماعى جوندەۋدەن وتپەك. ۆوكزالدىڭ الدىڭعى جاعىن اعاشتار تاسالاپ قالماسى ءۇشىن، ول جەرگە تال ەگىلمەيدى.

ايتا كەتسەك، ماۋسىم ايىندا «سايران» اۆتوۆوكزالى عيماراتىنىڭ الماتى قالاسىنىڭ تاريحي مادەنيە مۇراسىنا كىرەتىندىگى ايتىلعان ەدى.