الماتىدا تۇرىك مادەني ورتالىعىنىڭ كورمەسى ءوتىپ جاتىر.

الماتىدا «احىسكا» تۇرىك ۇلتتىق-مادەني ورتالىعىنىڭ كورمەسى ءوتىپ جاتىر.

وندا قالا تۇرعىندارى مەن قوناقتارى تۇرىكتەردىڭ ۇلتتىق كيىمدەرى، تۇرمىستىق، زەرگەرلىك بۇيىمدارى جانە سالت-داستۇرىمەن تانىسا الادى. مادەني ورتالىقتىڭ «احىسكا» دەپ اتالۋىنىڭ وزىندىك تاريحي ءمانى بار. حح عاسىردا تۇرىك مەسحەتيندەر تۇرعان اۋماق وسىلاي اتالعان. ءقازىر ەلىمىزدە 200 مىڭعا جۋىق تۇرىك ۇلتىنىڭ وكىلى تۇرادى. قالالىق حالىق اسساملەياسى وكىلدەرىنىڭ اتسالىسۋىمەن مۇنداي شارا 2017 جىلدان بەرى وتكىزىلىپ كەلەدى. بۇعان دەيىن 13 ۇلتتىق كورمە وتكىزىلگەن. جوبا ەلىمىزدەگى 130-دان اسا ەتنوستىڭ ۇلتتىق جانە مادەني ءومىرىن تولىق قامتىماق. «وسىعان دەيىن وسەتين مادەني ورتالىعىنىڭ اۋعان، قىرىم تاتارلارى، شەشەن جانە ينگۋش ورتالىقتارى سياقتى كورمەلەر اشىلدى. بۇل كورمەدە نەگىزىنەن ءار حالىق وزدەرىنىڭ كونە بۇيىمدارىن اكەلىپ قويادى»،-دەدى مۋزەيدىڭ اعا عىلىمي قىزمەتكەرى قۇرالاي قوجاحانوۆا.