الماتى قالاسىنىڭ اكىمى باۋىرجان بايبەك نۇرسۇلتان شىڭىن باعىندىردى. بۇل تۋرالى Instagram-داعى جەكە پاراقشاسىندا الپينيزم فەدەراسياسىنىڭ ۆيسە-پرەزيدەنتى ەرجان ەركىنبايەۆ جازدى.
«بۇگىن الماتى اكىمىمەن بىرگە نۇرسۇلتان شىڭىنا شىقتىق. بارشاڭىزدى استانانىڭ 20 جىلدىعىمەن جانە ەلباسىنىڭ تۋعان كۇنىمەن قۇتتىقتايمىز»، - دەلىنگەن جازبادا.
سونداي-اق الماتىلىقتار 8 شىلدە كۇنى وتەتىن نۇرسۇلتان شىڭىنا شىعۋ الپينياداسىنا شاقىرىلدى. بۇل شارا سالاۋاتتى ءومىر سالتىن ناسيحاتتاۋ جانە جاستار اراسىندا بەلسەندى دەمالىستى ۇيىمداستىرۋ ماقساتىندا جىل سايىن وتكىزىلەدى. بىلتىر الپينيادا الەمنىڭ تۇكپىر-تۇكپىرىنەن 5 مىڭ ادام جينالعان بولاتىن. بيىل شىڭدى باعىندىرۋ شاراسى استانانىڭ 20 جىلدىعىنا ارنالىپ وتىر.
