استانانىڭ 20 جىلدىق مەرەيتويىنا وراي الماتىدا «قازاقستان مەديا اليانسى» قوعامدىق بىرلەستىگى بەكىتكەن راديو حابار تاراتۋ سالاسىنداعى العاشقى "تولقىن" سىيلىعى تاپسىرىلدى.

قازاقستان مەديا اليانسى ساۋىردە رەسپۋبليكا اۋماعىندا اۋە تولقىنىندا حابار تاراتاتىن بارلىق راديوستانسالار اراسىندا ءبىرىنشى كاسىبي سىيلىققا شىعارماشىلىق بايقاۋ جاريالادى.

كونكۋرس 12 نوميناسيا - راديوجۋرناليستيكانىڭ بارلىق نەگىزگى جانرلارى (اقپاراتتىق، ويىن-ساۋىق، مۋزىكالىق باعدارلاما، رەپورتاج، توك-شوۋ) بويىنشا ءوتتى. سونداي-اق، باسقا دا نوميناسيالار: «راديوستانسانى الگەرى دامىتۋ»، «ەفيردەگى دەبيۋت»، «ۇزدىك راديوداۋىس» بولدى. «قازاقستان راديويندۋسترياسىن دامىتۋعا قوسقان ۇلەسى ءۇشىن» پرەمياسى دا جەكە تاعايىندالدى.

قۇرامىنا تانىمال جۋرناليستەر، جەتەكشى تەلەراديوكومپانيالاردىڭ باسشىلارى كىرگەن قازىلار القاسى كونكۋرسقا جىبەرىلگەن 50 شىعارماشىلىق جۇمىسپەن تانىسىپ، ون راديوستانسانى جەڭىمپاز دەپ تانىدى.

ولاردىڭ اراسىندا - «استانا راديوسى»، «راديو NS»، «تەنگري FM»، «قازاق راديولارى»، «جاڭا FM»، «Classic» راديوسى، «جۇلدىز FM» بار.

«ەفيردەگى دەبيۋت» ارنايى نوميناسياسىن «Business FM» يەلەنسە، قازاقستانداعى جالعىز بالالار راديوستانساسى «Starkids. FM» «تىڭدارمان كوزايىمى» اتانىپ، «ۇزدىك رەپورتاج» نوميناسياسىن جەڭىپ الدى.

قازاقستان مەديا اليانسىنىڭ باسقارما ءتوراعاسى ارمانجان بايتاسوۆ ماراپاتتاۋ ءراسىمىن اشتى. ول مەديا-قوعامداستىققا وسى باستامانى ۇسىنا وتىرىپ، قازاقستاندا ءارتۇرلى جۋرناليستىك سىيلىقتار، ماراپاتتار، فەستيۆالدەر مەن كونكۋرستار كوپ بولسا دا، راديوجۋرناليستيكا سالاسىندا بىردە-بىر مامانداندىرىلعان سىيلىقتاردىڭ بولماعانىە اتاپ ءوتتى.