2018 جىلعى 28-29 ماۋسىمدا «Holiday Inn» حالىقارالىق قوناق ۇيىندە جانە «قازاقستان» قوناق ۇيىندە رەسپۋبليكالىق سەمينار-ترەنينگ ءوتتى، وعان قاتىسقاندار 14 وبلىستىڭ جانە رەسپۋبليكالىق مانىزى بار قالالارىنىڭ ءدىن ىستەرى جونىندەگى باسقارما باسشىلارى جانە سولارعا باعىنىشتى ۆەدومستۆولىق ۇيىم باسشىلارى، سونىمەن قاتار قازاقستان رەسپۋبليكاسىنداعى عىلىم جانە ءبىلىم مەكەمەلەرىندەگى ءدىني سالاداعى جەتەكشى ساراپشىلار.

بۇل ءىس-شارا «Social Development Center» قوعامدىق قورىنىڭ ۇيىمداستىرۋىمەن الماتى قالاسى ءدىن ىستەرى جونىندەگى باسقارماسىنىڭ مەملەكەتتىك الەۋمەتتىك تاپسىرىسى بويىنشا وتكىزىلدى.

وسىنداي اۋقىمدى ءدىن تاقىرىبىنا ارنالعان سەمينارلار وتكىزۋدىڭ وزەكتىلىگى مەملەكەت ساياساتىنداعى ءدىني سالانى ىسكە اسىراتىن مەملەكەتتىك ورگان وكىلدەرىنىڭ بىلىكتىلىگىن ارتتىرۋىن قامتاماسىز ەتۋ بولىپ تابىلادى. ويتكەنى، بەلگىلى بولعانداي، قازاقستاندا سوڭعى جىلدارى ءدىن ماسەلەلەرىنە قاتىستى ءبىرقاتار ستراتەگيالىق جانە تۇجىرىمدامالىق قۇجاتتار قابىلدانعان. سوڭدىقتان ترەنينگتىڭ ماقساتى مەن مىندەتى مەملەكەت ساياساتىنداعى ءدىني سالاداعى ورتالىق جانە جەرگىلىكتى اتقارۋشى ورگان جۇمىسشىلارىن وقىتۋ، جانە دە ءدىني ەكسترەميزمگە قارسى ءىس-قيمىل بويىنشا وزەكتى سۇراقتار اينالاسىندا تاجىريبە الماسۋ.

الدىنا قويىلعان مىندەتتەردى ءتيىمدى ىسكە اسىرۋ ماقساتىندا سەمينار-ترەنينگە قاتىسۋ ءۇشىن جەتەكشى ماماندار مەن ساراپشىلار شاقىرىلدى. پرەزيديۋم مۇشەلەرىنىڭ اراسىندا الماتى قالاسى اكىمىنىڭ ورىنباسارى – ا.و. قىرىقبايەۆ، ق ر قوعامدىق دامۋ ۆيسە-مينيسترى ب.س. ارىن، قازاقستان رەسپۋبليكاسى پرەزيدەنتى اكىمشىلىگى سەكتورىنىڭ مەڭگەرۋشىسى ع.ن. شويكين،  قازاقستان رەسپۋبليكاسى ىشكى ىستەر مينيسترلىگىنىڭ ەكسترەميزمگە قارسى كۇرەس باسقارماسىنىڭ باستىعى – ا.ع. ارىستانوۆ جانە دە  الماتى قالاسى ءدىن ىستەر جونىندەگى باسقارما باسشىسى ا.ر. ەسەنبەكوۆ سياقتى سپيكەرلەر بولدى.

الماتى قالاسى اكىمىنىڭ ورىنباسارى ا. قىرىقبايەۆ.

ەلىمىزدە ءدىن سالاسىنا جاۋاپتى جانە ءدىني ەكسترەميزممەن كۇرەس باعىتىندا قىزمەت ەتىپ كەلە جاتقان مەكەمەلەردىڭ باسشىلارى جانە جاۋاپتى ماماندارىنىڭ تاجىريبە الماسۋ ءۇشىن الماتى قالاسىندا باسقوسۋى ماڭىزدى وقيعا دەپ بىلەمىز. وسىنداي شارانىڭ ءوتۋى بارشا قاتىسۋشىلار ءۇشىن پايدالى بولاتىنى انىق. ءاربىر وبلىستىڭ ءدىني جاعدايى ءارتۇرلى، وزىندىك ەرەكشەلىكتەرى بار. سوعان ساي ەكسترەميزممەن كۇرەس جانە وڭالتۋ بويىنشا جيناقتالعان تاجىريبەگە يە. مىنە سول تاجىريبەنى ورتا سالىپ، ونى جەتىلدىرۋ بويىنشا ۇسىنىستار ايتىلسا سەمينارىمىز ناتيجەلى بولارى انىق.

ق ر قوعامدىق دامۋ ۆيسە-مينيسترى ب.س. ارىن:

«بۇگىن مۇندا قازاقستاننىڭ بارلىق وڭىرلەرىنەن ءدىن ىستەرى جونىندەگى باسقارما، سونداي-اق ءدىن پروبلەمالارىن زەرتتەۋ ورتالىق باسشىلارى جينالدى. بۇگىنگى شارانىڭ ماقساتى – بىرىنشىدەن، بار ماسەلەلەردى تالقىلاۋ. ەكىنشىدەن، ءار وبلىستا ءوزىنىڭ مەنشىكتى تاجىريبەسى بار، ءوزىنىڭ ازىرلەنگەن ادىستەرى بار. ءبىز ولاردى زەرتتەپ، ءبولىسىپ، باسقا ايماقتارعا ۇزدىك ادىستەمەلەردى ەنگىزۋ مۇمكىندىكتەرىن زەرتتەگىمىز كەلەدى»– دەپ اتاپ ءوتتى.

وسىنداي قورىتىندىعا قازاقستان رەسپۋبليكاسى پرەزيدەنتى اكىمشىلىگىنىڭ سەكتور مەڭگەرۋشىسى ع.ن. شويكين دا كەلدى:

تىعىز جۇمىس تەك ونلاين رەجىمىندە بولماۋى كەرەك، بىر-بىرىنمەن كورىسۋىمىز، تاجىريبە الماسۋىمىز، بىر-بىرىنە ءدىني ساياساتتا جاڭا تاسىلدەردى ۇيرەتۋ ءۇشىن ءجيى كەزدەسۋىمىز قاجەت. ويتكەنى ءاربىر وڭىردە جالپى ءتيىمدى جۇمىس ءۇشىن بىرىكتىرە الاتىن جاقسى تاسىلدەر بار.

 سەمينار ءىس-شارالارى: ءبىرىنشى كۇنى – پىكىرتالاس پەن ترەنينگتەر، ەكىنشى كۇنى – سەمينار قاتىسۋشىلارعا شەبەرلىك-كلاسستار مەن مادەني باعدارلاما فورماتىندا ۇيىمداستىرىلدى.

جاتتىقتىرۋشىلار مەن وقىتۋشىلار رەسپۋبليكالىق تەولوگتار مەن ساياسات قايراتكەرلەرى، تاجىريبەلى سپيكەرلەر مەن عالىمدار بولدى، ولاردىڭ اراسىندا: فيلوسوفيا عىلىمدارىنىڭ دوكتورى، پروفەسسور – ا.گ. كوسيچەنكو، قازاقستان رەسپۋبليكاسى ۇلتتىق عىلىم اكادەمياسىنىڭ كوررەسپوندەنت-مۇشەسى، فيلوسوفيا دوكتورى – ن.ل. سەيتاحمەتوۆا، PhD دوكتورى، راسيوناليستىك تەولوگيا سالاسىنداعى مامان – ر.ا. چەليدزە جانە «انسار» كونسۋلتاتيۆتى-رەابيليتاسيالىق ورتالىعىنىڭ ديرەكتورى – ا.ك. سابدين.

پاۆلودار قالاسى كونفەسسياارالىق قارىم-قاتىناستاردى تالداۋ جانە دامىتۋ ورتالىعىنىڭ ديرەكتورى گ.م. رازدىكوۆا ايتۋىنشا:

«مۇنداي كونسترۋكتيۆتىك سەمينارلاردى وتكىزۋ وتە پايدالى، ويتكەنى ءبىز ءبارىمىز ءوز ونىرلەرىمىزدە  «باسقالارمەن بايلانىسپاي ءومىر سۇرەمىز»، ءبىراق بۇگىن، مۇندا جانە ءقازىر كىمنىڭ نە ىستەيتىنىن كورەمىز».

رەسپۋبليكالىق سەميناردىڭ ەكىنشى كۇنى ماستەر-كلاستار مەن ترەنينگتەرگە تولىقتاي ارنالدى. بارلىق قاتىسۋشىلاردى تىركەپ، ەكىنشى كۇننىڭ باعدارلاماسىمەن تانىستىرعان سوڭ، ميكروفون: «ءبىلىم» وقۋ-مادەني ورتالىعىنىڭ ديرەكتورى – ر.س. يرجانوۆ، «First Coach» كاسىبي سپيكەرلەردى دايىنداۋ ورتالىعىنىڭ نەگىزىن قالاۋشى – ا. قاناتوۆ، ساياساتتانۋشى –                     ا.ءا. سارىم، «ەكسكليۋزيۆ» جۋرنالىنىڭ شولۋشىسى، ساياساتتانۋشى –                      ر. جۇمالى سياقتى ساراپشىلار قولىنا ءوتتى.

ءىس-شارانىڭ رەسمي جابىلۋى، سەميناردىڭ ەكى كۇنىن دە قورىتىندىلاۋ مەن سەمينارعا قاتىسۋشىلارعا، الماتى قالاسىنىڭ ءدىن ىستەر جونىندەگى باسقارما باسشىسى ا.ر. ەسەنبەكوۆ سەرتيفيكاتتاردى سالتاناتتى تاپسىرۋ ارقىلى اياقتالدى.

باعدارلامانىڭ سوڭعى بولىمىندە بارلىق كەلۋشىلەر ءۇشىن الماتى قالاسىنداعى تاريح مۇراجايىنا، د.ا. قونايەۆ مۇراجايىنا، «كوك-توبە ساياباعى» ويىن-ساۋىق ورتالىعىنا جانە بيىك تاۋلى «مەدەۋ» مۇز ايدىنىنا ەكسكۋرسيا بولدى.