الماتىدا مۇگەدەك جانداردى كۇتۋشىلەرگە جاڭا جاردەماقى تولەنەدى.

بيىلدان باستاپ، 18 جاستان اسقان 1ء-شى توپتاعى مۇگەدەكتەردى كۇتۋشىلەرگە اقى تولەنەدى.

وسى ايدان باستاپ تولەنەتىن جاردەماقى كولەمى 29 مىڭ 699 تەڭگە. وعان قوسا، جارىمجان جاننىڭ جاعدايىن جاساپ، كۇتىم كورسەتكەن كىسىنىڭ بۇل قامقورلىعى، ەڭبەك ءوتىلى رەتىندە دە سانالادى.

«جالپى قالا بويىنشا الاتىن ادام سانى شامامەن، 1 جارىم مىڭ ادام قۇراپ وتىر.  مۇنداي جاردەماقى بۇرىن تاعايىندالمايتىن. وعان قاجەتتى قۇجاتتاردى ايتاتىن بولساق، مۇگەدەك ادام جەكە كۋالىگىن تاپسىرۋ كەرەك. ودان كەيىن قامقورشىلىق بەلگىلەنگەن جاعدايدا، ونى راستايتىن قۇجات كەرەك. كۇتىم جاسايتىن ادامعا دا ءوزىنىڭ كۋالىگىن تاپسىرۋ كەرەك بولادى. بانك شوتىنان مالىمەت بەرۋى كەرەك. پسيحيكالىق ەسەپتە تۇراماعاندىعى تۋرالى انىقتاما قاجەت»، – الماتى قالاسى ەڭبەك، الەۋمەتتىك قورعاۋ جانە كوشى-قون دەپارتامەنتىنىڭ  باسشىسى ايدىنجان نارماتوۆ.