ەلىمىزدە بالالار اقپاراتتىق تەحنولوگيا نەگىزدەرىن تەرەڭدەتىپ مەڭگەرمەك. وسى ماقساتتا رەسپۋبليكا بويىنشا ءبىر مىڭ IT-سىنىبى اشىلاتىن بولادى. الماتىدا اشىلعان ورتالىق قىزمەتىمەن «نۇر وتان» پارتياسىنىڭ حاتشىسى تامارا دۇيسەنوۆا دا تانىسىپ، وقۋشىلاردىڭ قارىم-قابىلەتىنە ءوز باعاسىن بەردى.  

بۇل بەسىنشى سىنىپ وقۋشىسىنىڭ قولىنان شىققان تۋىندى. ول ءدارىنى قابىلداۋ ۋاقىتىن ەسكە سالاتىن گادجەت ويلاپ تاپقان. جاس ونەرتاپقىش بۇل سالاعا بۇرىننان قىزىعادى. ەندى ءتۇرلى جوبالارىن قالادا ارنايى قۇرىلعان IT-سىنىبىندا جۇزەگە اسىرا الادى. وقۋشىلار سارايىندا اشىلعان ورىندا وقۋشىلار اقپاراتتىق تەحنولوگيا نەگىزدەرىن جان-جاقتى اقىسىز مەڭگەرە الادى.

«بۇل نەگىزى IT-سىنىپ دەپ اتالادى. IT-سىنىپتا روبوتوتەحنيكا ساباقتارى، لوگيكا جانە ماتەماتيكا ساباقتارى وتىلەدى. قازىرگى تاڭدا بىزدە جاس بالالار مىنە 3ء-شى جانە 5ء-شى سىنىپ ارالىعىنداعى وقۋشىلار  IT لاگەرگە كەلىپ قاتىسىپ وتىر. بۇلاردىڭ نەگىزگى ءوتىپ جاتقانى ول روبوتوتەحنيكا نەگىزى، لوگيكا پروگراممالاۋداعى جانە ماتەماتيكا»، – دەدى الماتى قالاسى وقۋشىلار سارايىنىڭ روبوتوتەحنيكا ءمۇعالىمى اسەت مۇحامماد.

IT لاگەر تاڭعى ساعات 9-دان باستاپ تۇسكى ۋاقىتقا دەيىن قىزمەت كورسەتەدى. وسى ۋاقىت ارالىعىندا مۇنداي ساباقتان بولەك، ينتەراكتيۆتى سىنىپتا دا ءبىلىمىن جەتىلدىرە الادى. اتالعان ورتالىق ارقىلى قالاداعى 200-دەن اسا مەكتەپكە حابار تاراتۋعا مۇمكىندىك بار.

جاڭا وقۋ جىلىندا قالادا تاعى وسىنداي 79 IT-سىنىپ اشىلماق. نەگىزگى وقىتۋ باعدارلاماسىنان بولەك، حالىقارالىق ءبىلىم ۇلگىلەرىن قولدانۋ قاراستىرىلعان. زاماناۋي سىنىپتار «نۇر وتان» پارتياسىنىڭ «تەگىن مىڭ IT-سىنىپ» جوباسى اياسىندا اشىلۋدا. ياعني، 2020 جىلعا قاراي ەلىمىزدەگى 7 مىڭ ءبىلىم وشاعىندا وسىنداي بولمەلەر جۇمىس ىستەيدى.

«ءبىزدىڭ ماقساتىمىز بالالاردىڭ ءبارى پروگرامميست بولسىن، ينجەنەر بولسىن ەمەس. ەرتەڭ وسى مەكتەپتى وقىپ شىققاننان كەيىن مىنا اقاپاراتتىق كەڭىستىكتە وزدەرىن ەركىن ۇستاۋعا مۇمكىندىگى بولسا دەيمىز. سەبەبى، قازىرگى تاڭنىڭ وزىندە ينتەرنەتكە كىرەتىن بولساق نەمەسە باسقا دا سيفرلىق پرودۋكتىلەردى قولداناتىن بولساق، قولدانۋدا كوپ كەمىشىلىكتەر جىبەرەمىز. سوندىقتان قازىردەن باستاپ بالالاردى وسى جاڭا اقپاراتتىق جاھاندانۋعا بەيىمدەۋ ماسەلەسىن قاراستىرىپ وتىرمىز»، – دەدى «نۇر وتان» پارتياسىنىڭ حاتشىسى تامارا دۇيسەنوۆا.

الماتىعا جۇمىس ساپارىمەن كەلگەن تامارا دۇيسەنوۆا جامبىل اتىنداعى جاسوسىپىرىمدەر كىتاپحاناسىندا بولدى. كۇردەلى جوندەۋدەن وتكىزىلگەن ورىن ءقازىر جاڭا فورماتتا جۇمىس ىستەپ وتىر. ياعني، وقىرماندار مۇندا تەك كىتاپ وقىپ قانا قويماي، ءوز جوبالارىن، يدەيالارىن تالقىلاي الادى. بۇل ورتالىق «رۋحاني جاڭعىرۋ» باعدارلاماسى اياسىندا جاڭعىرتىلعان بولاتىن.

«بۇرىننان ءوزىمىزدىڭ 15 مىڭ وقىرمانىمىز بار. ولاردى قايتا تىركەۋ جۇمىستارى جۇرگىزىلىپ جاتىر. جاڭادان جازىلعان وقىرماندار سانى وسى 3 ايدىڭ ىشىندە 7 مىڭنان استى»، – دەيدى جامبىل اتىنداعى جاسوسپىرىمدەر كىتاپحاناسى باسشىسىنىڭ مىندەتىن اتقارۋشى عازيزا قۇدايبەرگەن.

ودان بولەك، وسىدان 9 اي بۇرىن اشىلعان ءتۇرلى ۇيىرمە مەن ءوز يدەيالارىن دامىتۋعا ارنالعان Smart.Point كوۆوركينگ كەڭىستىگىنىڭ جۇمىسىمەن تانىستى. وندا جوعارى تەحنولوگيالار مەن كرەاتيۆتى بيزنەس سالاسىندا جۇمىس ىستەيتىن 40-قا جۋىق كومپانيا ورنالاسقان. اتاپ وتەرلىگى، نىسان اپتانىڭ جەتى كۇنىندە 24 ساعات بويى قىزمەت كورسەتەدى.