بۇدان-بىلاي الەۋمەتتىك مەديسينالىق ساقتاندىرۋ جۇيەسى جايلى الماتىلىقتاردى مازالاعان سان ساۋالعا قالالىق اكىمدىكتىڭ قوعامدىق قابىلداۋ ءبولىمى ماماندارى جاۋاپ بەرەدى.

ماماندار «اشىق الماتى» مەكەمەسىندە ءار بەيسەنبى سايىن قابىلدايدى.

«بىزگە كەلگەن ازاماتتاردىڭ كوبى مەديسينالىق ساقتاندىرۋ بويىنشا تولەنەتىن جارنانىڭ كولەمى، اۋدارىلعان قاراجاتتىڭ قايدا ساقتالاتىنى، ونى قايتارىپ الۋعا بولاتىنى تۋرالى ساۋالدارمەن جۇگىنەدى. بۇدان بولەك، ءبىزدىڭ ۇيىم ەمحانالارعا تىركەلۋ ماسەلەسىن، تەگىن مەديسينالىق كومەكتىڭ كەپىلدەندىرىلگەن كولەمى اياسىندا جۇمىس ىستەيتىن مەكەمەلەر بويىنشا تۇرعىندارعا كەڭەس بەرەمىز»، –  دەدى «الەۋمەتتىك مەديسينالىق ساقتاندىرۋ قورى» كەاق الماتى قالاسى بويىنشا بولىمشەسىنىڭ ءبولىم جەتەكشىسى ايگەرىم سۇيىنبايەۆا.

ءقازىر جۇمىس بەرۋشىلەر عانا جاڭا جۇيەگە ايلىق تابىسىنىڭ 1 جارىم پايىزىن جارنا رەتىندە تولەپ وتىر. وتكەن جىلدىڭ 1ء-شى شىلدەسىنەن بەرى الماتى قالاسى بويىنشا مىندەتتى الەۋمەتتىك مەديسينالىق ساقتاندىرۋ جۇيەسىنە 17 ميلليارد تەڭگەدەن استام جارنا تۇسكەن. بۇل رەسپۋبليكا بويىنشا قورعا قۇيىلعان جالپى قارجىنىڭ 20 پايىزى.  ال 2020-شى جىلدان باستاپ بارلىق توپتاعى ازاماتتار ايلىق تابىستارىنىڭ بەلگىلى ءبىر مولشەرىن جارنا رەتىندە قۇيىپ وتىرۋلارى شارت.