الماتىدا استانانىڭ 20 جىلدىعىنا ارنالعان ەركىن كۇرەستەن جاستار اراسىنداعى ۇلتتىق قۇرامالاردىڭ كەزدەسۋى ءوتتى. ءدۇبىرلى دودادا باقتارىن سىناۋ ءۇشىن 6 مەملەكەتتىڭ، اتاپ ايتقاندا، رەسەي، ۋكراينا، وزبەكستان، اقش جانە قازاقستاننىڭ سايىپقىراندارى كوك كىلەمدە كىم مىقتىنى كورسەتتى. 

ولار 10 ءتۇرلى سالماق دارەجەسى بويىنشا بەلدەسكەن. ۇيىمداستىرۋشىلار ۇلتتىق قۇرامانىڭ بابى دا باعى دا وزىپ تۇرعانىن ايتىپ، مۇنداي شارانى داستۇرگە اينالدىرماق نيەتتە. ونىڭ ۇستىنە ءبىزدىڭ جاستار ءۇشىن بۇل ۇلكەن تاجىريبە ەكەندىگىن جانە وليمپيادا ويىندارىنا قاتىسۋعا دەگەن ىنتالارىن شىڭداي تۇسەدى دەيدى ۇيىمداستىرۋشىلار.  

«سپورتشىلارىمىزدىڭ شەتەلگە شىعۋلارىنا مۇمكىندىگى بولا بەرمەيدى. سول سەبەپتى وزگە مەملەكەتتەردىڭ بالۋاندارىن ارنايى شاقىرتتىق. جاستارىمىزدىڭ كوزدەرى جانىپ، جەڭۋگە دەگەن تالپىنىستارىن كورىپ وتىرمىز. مۇمكىندىك بولسا، مۇنى جىل سايىن وتكىزىپ، داستۇرگە اينالدىرساق دەگەن جوسپارىمىز بار. بۇل ءبىزدىڭ سپورتشىلارىمىز ءۇشىن ۇلكەن تاجىريبە بولارى ءسوزسىز»، – دەيدى قازاقستان ەركىن كۇرەس اكادەمياسىنىڭ جەتەكشىسى حادجيمۋرات گاسالوۆ.