الماتىدا ءىرى قۇرىلىس ساۋدا كەشەنى اشىلدى. جاڭا عيماراتتىڭ جالپى اۋماعى 80 مىڭ شارشى مەتر. ونىڭ باسىم بولىگىن ساۋدا ورىندارى قۇرايدى. سونداي-اق، كەڭسەلەر دە بار. ىشىندە IT كومپانيالارىنىڭ كلاستەرى دە ورىن تەپكەن. «جىبەك جولى» كەشەنىنىڭ اشىلۋ سالتاناتىنا الماتى قالاسى اكىمىنىڭ ورىنباسارى الماس مادييەۆ قاتىستى. ول ساۋدا – قالا ەكونوميكاسىنىڭ درايۆەرى ەكەنىن اتاپ ءوتتى. بۇگىندە بيۋدجەتتىڭ ۇشتەن ءبىر بولىگىن قۇراپ وتىر. الىپ شاھاردا 42 مىڭنان استام كاسىپورىن جۇمىس ىستەيدى. ولاردىڭ كوبى وسىنداي ساۋدا ورتالىقتارىندا ورنالاسقان.
«ءبىز قالا قوناقتارى مەن تۇرعىندارى ساپالى قىزمەت پەن قولجەتىمدى باعادا تاۋار الۋى ءۇشىن بار جاعداي جاساۋىمىز كەرەك. بۇل جۇمىس الداعى ۋاقىتتا دا جالعاسىن تابادى. ءىرى بازارلاردا جاڭعىرتۋ جۇمىستارىن جۇرگىزىپ وتىرمىز»، – دەيدى الماتى قالاسى اكىمىنىڭ ورىنباسارى الماس مادييەۆ.
پىكىر قالدىرۋ