الماتىدا ۇزاق ءومىر ءسۇرۋ ورتالىعى اشىلدى. قالالىق اكىمدىكتىڭ قولداۋىمەن اشىلعان مەكەمە ەگدە جاستاعى ادامدارعا قىزمەت كورسەتەدى. بۇل زەينەتكەرلەردىڭ زەينەتكە شىققان سوڭ جالعىزسىراپ، قوعامنان ءبولىنىپ قالماۋىنا كومەكتەسەدى. قۇلشىنىسى بار قارتتارعا شەت تىلدەرىن دە ۇيرەتەدى. قاريالارمەن قالا اكىمى دە كەزدەستى.

تەرەڭ تىنىستاۋ ارقىلى قان اينالىمىن كۇشەيتىپ، قاتىپ قالعان قول اياقتى سوزا، سان ءتۇرلى قيمىلدار جاساپ جاتقان قارت وقۋشىنىڭ ءبىرى  نينا الەكساندر قىزى. 82 جاستا بولسادا شيراق قيمىلداپ، ۇزستازدىڭ ۇيرەتكەنىن بىردەن ورىنداپ جاتۋىما  50 جىلدان اسا باسسەيىندە ءجۇزۋىم جاردەمدەسىپ جاتىر، -  دەيدى.

«يوگاعا ءبىرىنشى رەت جازىلىپ، قاتىسىپ جاتىرمىن. ماعان وتە ۇنادى. بارلىق دەنەمىزدى قوزعالتامىز. باسپالداقتارمەن جاقسى جۇرەتىنمىن، ءقازىر ازداپ  تىزە بۋىندارىم سىزدايدى. جاتتىعۋلاردان سوڭ جاقسارادى دەپ ۇمىتتەنەم»،-دەدى نينا ليسينا.

زەينەتتەن سوڭ زەرىكپەيمىن دەگەن زامانداستار ورتالىقتا يوگا، اەروبيكادان بولەك، اعىلشىن ءتىلى، كومپيۋتەرلىك ساۋاتتىلىقتارىن دا كوتەرە الادى. شاحمات، ۇستەل تەننيسىن ويناۋدان بولەك قاريالارعا زاڭگەر، پسيحولوگ ماماندار تەگىن كومەك كورسەتەدى. 

«الماتى قالاسىنىڭ الەۋمەتتىك باعدارلامالار باسقارماسى اشىپ وتىر ورتالىقتى. ال وسى ورتالىقتا جۇمىستىڭ ءبارىن قاريالارعا ارناپ "كۇمىس عاسىر" قوعامدىق قورىنىىڭ قىزمەتكەرلەرى اتقارادى. ول قوردىڭ قىزمەتكەرىنىڭ ىشىنە جاڭاعى  دارىگەرلەر، مەدبيكە، زاڭگەر، پسيحولوگ، يوگا تەرەپيا  جۇرگىزىلەدى»،-دەدى "كۇمىس عاسىر" قق "ۇزاق ءومىر ورتالىعى" جوباسىنىڭ جەتەكشىسى اينۇر ەشمانوۆا.

الماتى تۇرعىندارىنىڭ 12 پايىزى زەينەتكەرلەر. قاريالار عۇمىرىن جاقسارتۋ ءۇشىن ارنايى جول كارتاسى دا جاسالدى. جوبا جۇزەگە اسقالى 32 الەۋمەتتىك كلۋب اشىلعان. كومپيۋتەردە ءعارىپ تەرىپ، عالامتوردى اقتارۋدىڭ جولدارىن ءبىر مىڭنان استام  زەينەتكەر زەردەلەگەن. الداعى ەكى جىلدىڭ ىشىندە كورسەتكىشتى  40 پايىزعا جەتكىزۋ جوسپارلانعان. جۋىق ارادا قارجى تابام دەگەن قاريالاردى قولداۋعا ارنالعان Ata-Apa ينتەرنەت سايتى اشىلماق.

«وزدەرىڭىز بىلەسىزدەر، كارى ادام ۇيدە وتىرعاندا مىندەتتى تۇردە ءبىر جەرى اۋىرادى. ال بۇل ورتالىق ادامنىڭ ويىن ونداي  كەلەڭسىزدىكتەن اراشالايدى. جاتتىقتىرۋشى مەندە، ءوزىڭ جەكەلەيدە جۇمىس جاساۋعا مۇمكىندىك بار ەكەن وسى جەردە. ماعان وتە ۇنادى»،-دەدى نينا نيكولاەنكو. 

جالپى جىل سايىن  4 مىڭداي قالالىق  قاريالار شيپاجايلاردا ەم السا، 17 مىڭنان استام ادام الەۋمەتتىك جاردەماقى الادى. سونداي-اق زەينەتكەرلەردىڭ 75 پايىزى قوعامدىق كولىكتەردە تەگىن جۇرەدى.  بيىل  800-دەي جاندى  فيتنەس-كلۋبتار مەن باسسەيندەرگە اپارۋ جوسپارلانعان. ال  بۇگىن اشىلعان ۇزاق ءومىر ورتالىعى كۇنىنە 75 قاريانىڭ كوڭىل كۇيىن كۇيتەمەك.