ەكاتەرينبۋرگ تۇرعىنى قايتىس بولعان جۇبايىن جەرلەۋدىڭ ورنىنا، ونىڭ دەنەسىن بىرنەشە اي بويى پاتەرىندە ساقتاپ كەلگەن. ەرلى-زايىپتىلاردىڭ كورشىلەرىنىڭ ايتۋى بويىنشا، ايەل كۇيەۋىنىڭ اتىنان زەينەتاقى الىپ وتىرعان دەپ جازادى Qamshy.kz اقپارات اگەنتتىگى شەتەلدىك باق-قا سىلتەمە جاساپ.

ەر ادامنىڭ قايتىس بولعانىنا بىرنەشە اي بولعاندىعى بەلگىلى بولدى. سەبەبى پاتەردەن ۇزاق ۋاقىت بويى جاعىمسىز ءيىس شىعىپ تۇرعان. بىرنەشە اي بويى جەرلەنبەگەن مۋمياعا اينالعان ءمايىت كۋيبىشيەۆ كوشەسىندەگى ءۇيدىڭ اۋلاسىنان تابىلىپتى. 

جەرگىلىكتى تۇرعىنداردىڭ ايتۋى بويىنشا، كۇيەۋىن بىرنەشە اي ساقتاعان ايەل ءمايىتتى حالاتقا وراپ، كوشەگە شىعارعان. سوعان قاراعاندا ول ءمايىتتىڭ مۇردەسىن قوقىسقا تاستاماق بولعان، الايدا جەتكىزە الماپتى. 

ەكاتەرينبۋرگ بويىنشا ءىىمب ەر ادامنىڭ مۋمياعا اينالعان ءمايىتى تابىلعانىن راستاپ، ونىڭ ولگەن ۋاقىتى مەن سەبەبىن ساراپشىلار انىقتايتىنىن مالىمدەدى.

وتباسىنىڭ تانىستارى ەرلى-زايىپتىنىڭ ىشىمدىكتى ءجيى ىشكەنىن، ال ايەل كەيدە قايىر تىلەگەنىن مالىمدەدى.