مۇرات اسقاروعلى سوتتا سانكسيا جايلى ايتىلىپ جاتقاندا جىلاپ جىبەردى، - دەپ حابارلايدى Tengrinews.kz.

1985 جىلعى ەر ادامنىڭ بەتون زاۋىتىندا جۇمىس ىستەيتىنى بەلگىلى بولدى. ۇيلەنگەن، ەكى ۇلى بار. وسىعان دەيىن سوتتى بولماعان. ول ق ر قىلمىستىق كودەكسىنىڭ 106-بابى بويىنشا ("دەنساۋلىققا قاساقانا اۋىر زيان كەلتiرۋ") قىلمىس جاسادى دەگەن كۇدىككە ءىلىنىپ وتىر.

پروكۋرور ايان اقبەردييەۆ سوتتان بۇلتارتپاۋ شاراسى رەتىندە ەكى ايعا قاماۋعا الۋدى سۇرادى.

مۇرات اسقاروعلى ءوز كەزەگىندە بۇلتارتپاۋ شاراسى رەتىندە ەشقايدا كەتپەۋ تۋرالى قولحاتتى تاڭداۋدى سۇرادى. وسى وتىنىشىنەن كەيىن ول جاساعان ارەكەتىنە وكىنەتىنىن ايتىپ، جىلاپ جىبەردى.

"قىلمىستىق اۋىر ەكەنىن ەسكەرە وتىرىپ، سۋديا بۇلتارتپاۋ شاراسى رەتىندە ەكى ايعا قاماۋعا الۋ تۋرالى شەشىم قابىلدادى. ءوتىنىش قاناعاتتاندىرىلدى"، - دەدى مامانداندىرىلعان اۋداندىق تەرگەۋ سوتىنىڭ سۋدياسى مارال جارىلعاسوۆا.

ال مۇرات اسقاروعلىنىڭ ادۆوكاتى امانگەلدى سارييەۆ ءوز كەزەگىندە قورعالۋشىسىنا قاتىستى سوت-پسيحياترلىق ساراپتاما جۇرگىزۋشى تۋرالى ءوتىنىش ايتاتىنىن مالىمدەدى.

"ماعان قۇجاتتاردى بەرسە، مەن وت-پسيحياترلىق ساراپتامانىڭ تاعايىندالۋىن وتىنەمىن. ساراپتاما ناتيجەسى وڭ بولسا، ونى زاڭعا سايكەس، ءماجبۇرلى تۇردە ەم الۋعا جىبەرەدى"، - دەدى ادۆوكات.

كەشە الماتى قالالىق ءىىد باسشىسى سەرىك كۇدەبايەۆتىڭ اكەسىنىڭ تۋىستارىمەن كەزدەسكەنى ايتىلعان ەدى.

"مەن جينالعاندارمەن ءوزىم جەكە سويلەستىم. كونسترۋكتيۆ ديالوگ بولدى، سۇراقتار قويىلدى، سۇراقتارعا راستالعان جاۋاپتار بەرىلدى. مۇرات اسقاروعلىنىڭ تۋىستارى ونىمەن كەزدەسكىسى كەلەتىنىن ايتتى. ولارعا بۇل مۇمكىندىك بەرىلدى: ولار دەپارتامەنتتىڭ عيماراتىندا كورىستى. مۇرات ولارعا سول كۇنى نە بولعانىن ايتىپ بەردى. سول كەزدەسۋدەن كەيىن بارلىعى تارادى"، - دەگەن ەدى الماتى قالالىق ءىىد باسشىسى سەرىك كۇدەبايەۆ.

پوليسيا وكىلدەرى جينالعانداردىڭ تاراپىنان قوعامدىق ءتارتىپ بۇزۋشىلىق تىركەلمەگەنىن ايتىپ ءوتتى.

سونداي-اق، مۇنىڭ الدىندا الماتى دەنساۋلىق ساقتاۋ باسقارماسىنداعىلار شىعىس اينالما اۆتوجولىندا تابىلعان بالانىڭ جاعدايىن ايتىپ بەرگەن بولاتىن. دارىگەرلەردىڭ مالىمەتىنشە، بۇگىن بالانىڭ جاعدايىندا وڭ وزگەرىس بايقالعان.

ەسكە سالا كەتەيىك، وسىعان دەيىن الماتىداعى شىعىس اينالما اۆتوجولىندا ەسسىز كۇيدە تابىلعان 4 جاسار مۇحاماد اسقاروعلىنى ءوز اكەسى تاسپەن ۇرعانى انىقتالعان ەدى. بالانىڭ اكەسى مۇرات اسقاروعلى بۇل قىلمىستى ءوزى جاساعانىن مويىنداپ، ماس كۇيدە بولعانىن ايتقان بولاتىن.