زيمبابۆە پرەزيدەنت سايلاۋىندا ەممەرسون منانگاگۆا جەڭىسكە جەتتى، دەپ حابارلايدى Qamshy.kz اقپارات اگەنتتىگى شەتەلدىك باق-تىڭ دەرەگىنە سۇيەنىپ.
زيمبابۆەنى 20 جىل باسقارعان روبەرت مۋگابە وتستاۆكاعا كەتكەن سوڭ ەلدە تۇڭعىش رەت پارلامەنت جانە پرەزيدەنت سايلاۋلارى وتكىزىلدى. منانگاگۆا سايلاۋدا 50،8% داۋىس جيناسا، ونىڭ باستى قارسىلاسى نەلسون ءچاميزدى سايلاۋشىلاردىڭ 44،3%-ى جاقتاعان.
«زيمبابۆە افريكالىق ۇلتتىق وداعى» پارتياسىنىڭ باسشىسى ەممەرسون منانگاگۆانى 2،46 ميلليونعا جۋىق ادام قولداعان. ال وپپوزيسيا وكىلدەرى سايلاۋ ناتيجەلەرىنىڭ ءادىل وتكەنىنە كۇمان كەلتىرىپ، بايبالام سالىپ وتىر. منانگاگۆا سايلاۋشىلاردىڭ جارتىسىنان استامىنىڭ داۋسىن جيناعاندىقتان، سايلاۋدىڭ ەكىنشى تۋرىن وتكىزۋگە مۇمكىندىك جوق..
