ەلىمىزدە «ەلەكتروندىق ۆيزا» جول كارتاسىن جۇزەگە اسىرۋ بويىنشا جۇمىستار جۇرگىزىلۋدە. وسى رەتتە شەتەل ازاماتتارىنا ە-ۆيزانىڭ قانداي ماقساتتا بەرىلەتىنى بەلگىلى بولدى.

ق ر سىرتقى ىستەر مينيسترلىگىنىڭ باسپا ءسوز قىزمەتىنىڭ مالىمەتىنشە، قازاقستان مۇددەلى مەملەكەتتىك ورگاندارىمەن «ەلەكتروندىق ۆيزا» جول كارتاسىن جۇزەگە اسىرۋ باعىتىندا ءبىرقاتار ىستەر اتقارىلۋدا. اتالعان جۇيەنى ەنگىزۋ اياسىندا ءوتىنىشتىڭ ەلەكتروندى نۇسقاسىن جاساۋ جانە ءبىر رەتتىك ەلەكتروندىق ۆيزا الۋ (ىسكەرلىك، تۋريستىك نەمەسە ەمدەلۋگە) قاراستىرىلىپ جاتىر.

ال، ە-ۆيزانىڭ پيلوتتىق جوباسى 2018 جىلى ىسكە قوسىلادى دەپ جوسپارلانۋدا. «پيلوتتىق جوبانى جۇزەگە اسىرۋ ءۇشىن شاقىرۋ، ۆيزا بەرۋ، ەلدە بولۋ جانە ەلدەن شىعۋ ءتارتىبىن باقىلايتىن الگوريتم ازىرلەۋ بويىنشا جۇمىستار جۇرگىزىلىپ جاتىر»، – دەدى ءسىم-نىڭ وكىلدەرى.

ەگەر دە شەتەلدىكتەر قازاقستان رەسپۋبليكاسىنىڭ مەملەكەتتىك شەكاراسىن كەسىپ وتكەن جاعدايدا ولار ەلەكتروندىق ۆيزانى استانا جانە الماتى قالالارىنىڭ اۋەجايلارى ارقىلى راسىمدەي الادى.

بۇعان دەيىن، ق ر سىرتقى ىستەر مينيسترلىگى جوبانى جۇزەگە اسىرۋ ءۇشىن ەلەكتروندى ۆيزا بەرۋ جۇيەسىنىڭ قادامدىق الگوريتمى مەن ەلدەر ءتىزىمى ازىرلەنىپ جاتقاندىعىن مالىمدەگەن بولاتىن.

ايتا كەتەيىك، «ەلەكتروندى ۆيزا» جول كارتاسى 2018 جىلدىڭ 16 اقپانىندا بەكىتىلگەن ەدى. ە-ۆيزا تىكەلەي قارىم-قاتىناسسىز، كەز كەلگەن مەملەكەتتە قازاقستاندىق ۆيزانى الۋ مۇمكىندىگىن بەرەدى. ول «سيفرلىق قازاقستان» مەملەكەتتىڭ باعدارلاماسىنىڭ اياسىندا ەنگىزىلگەن بولاتىن. ىشكى ىستەر مينيسترلىگىنىڭ مالىمەتىنشە، 2017 جىلى قوس ازاماتتىعى بار 600-گە جۋىق قازاقستاندىق انىقتالىپ، جاۋاپكەرشىلىككە تارتىلعان ەكەن.

بۇعان قوسا، سوڭعى ءۇش جىلدا ەلىمىزدە 330 مىڭ شەتەل ازاماتىنىڭ ۇستىنەن ءىس قوزعالعان. ال، ەلەكتروندىق ۆيزانىڭ ەنگىزىلۋى كوپتەگەن كەلەڭسىزدىكتەردى شەشەدى دەپ كۇتىلۋدە. قازاقستانعا كەلگىسى كەلەتىن شەتەلدىك قوناقتارعا ە-ۆيزانى الۋ ءۇشىن كونسۋلدىق بولىمدەرگە بارۋ مىندەت ەمەس. بۇدان بىلاي ولار ەلەكتروندىق ۆيزانى استانا جانە الماتى قالالارىنىڭ اۋەجايلارى ارقىلى راسىمدەي الادى نەمەسە قر-نىڭ ميگراسيالىق قىزمەتنىڭ اقپاراتتىق پورتالىنا كىرىپ، انكەتا تولتىرۋلارى قاجەت. ياعني، ەلگە كەلۋدەگى نەگىزگى ماقساتى، قارجىلىق احۋالى، قانشا ۋاقىتقا كەلگەندىگى تۋرالى اقپاراتتار. بۇل بويىنشا كەز كەلگەن شەتەل ازاماتى جەكە مالىمەتتەرىن، ەلگە كەلۋ ماقساتى مەن بولۋ مەرزىمىن، قارجىلىق مۇمكىندىكتەرىن ونلاين كورۋ مۇمكىندىگىنە يە بولدى. قازىرگى تاڭدا قازاقستاندىقتار 61 مەملەكەتكە ۆيزاسىز رەجيمدە كىرە الادى (30 كۇن ىشىندە).