قىلمىستىڭ ءوسۋى ەڭ ءبىرىنشى الۋمەتتىك جاعدايدىڭ تومەندىگىنەن، الماتى قالاسىندا 49 پايىز xالىق ەڭ تومەنگى كەدەيشىلىكتە ءومىر سۇرەدى ەكەن. سەبەپ سوڭعى ءۇش جىلدا دوللار توقتاماي وسۋدە. ۇكىمەت تۇك ىستەي الماي وتىر. دوللار باعامىنىڭ ءوسىپ جاتقاندىعى ەلدەگى بارلىق زاتتار مەن قىزمەتتەردىڭ قىمباتشىلىعىنا اكەلەتىنى ءسوزسىز. جالپى بەيقام ءومىر ءسۇرۋدىڭ ءوزى ءبىز ءۇشىن قىمباتقا تۇسەيىن دەپ تۇر. بۇگىندە دوللار باعامى 320 تەڭگەدەن 361 تەڭگەگە ءوستى. تۇسىنگەنىمشە، بۇل ءۇردىس ءالى دە توقتامايتىن سياقتى. ءوز كەزەگىندە بارلىق تاۋارلار بىردەن قىمباتتايدى. جانارماي، نان، ماي، كيىم-كەشەك - ءبارىنىڭ باعاسى ەكى ەسەگە شارىقتايىن دەپ تۇر. ال، وسى تۇستا xالىقتىڭ جالاقىسى ءوستى مە؟ مەملەكەتتەن جەڭىلدىكتەر بەرىلدى مە؟ جوق!
قۇرمەتتى دوستار، ءۇن-تۇنسىز وتىرماڭىزدار، بەلسەندىلىك كورسەتىڭىزدەر! ءبىزدىڭ ءارقايسىسىمىز - وسى مەملەكەتتىڭ ازاماتىمىز، ونىڭ ءبىر بولشەگىمىز، دەمەك ەلدەگى قالىپتاسقان جاعدايلارعا ءوز ويىمىزدى بىلدىرۋگە دە، ونى تۇزەتۋگە دە تولىق قۇقىلىمىز! مىنا كەلە جاتقان قيىنشىلىق ءبىرىمىزدى قالدىرماي بارىمىزگە اسەر ەتىپ، ءالى-اق كەسىرىن تيگىزەدى. نە ءۇشىن قازاقستاندا دوللار باعامى ءوسۋى قاجەت؟ بۇل جاعدايدىڭ ورىن الۋىنا ەشقانداي سىرتقى ەكونوميكالىق كورسەتكىشتەر اسەر ەتىپ تۇرعان جوق. سەبەبى، مەملەكەتتىك بيۋدجەتتىڭ 70 پايىزىن قۇرايتىن مۇنايدى، گازدى، جەراستى قازبالارىن وزگە ەلدەرگە دوللارعا ساتىپ جاتىرمىز. نە ءۇشىن ەل بەلسەندىلەرى وسى ماسەلە بويىنشا ءلام-ميم دەمەي، مۇلدەم ۇندەمەي جاتىر؟
ەۋرازيالىق وداققا كىرىپ الىپ، باسىمىزدى بالەگە قالدىردىق. ويلانباي جاسالعان ءىس ءارقاشان دا جاماندىققا اكەلەدى. «جەتى رەت ولشەپ، ءبىر رەت كەس»، - دەگەن دە جاقسى ءسوز بار ەمەس پە؟ وسى شەشىمنىڭ ارتىنان قازىرگى بولىپ جاتقان كەرى تۇستارى دا ىلەسە كەلەتىنىن الدىن-الا بولجاۋ قيىن ەمەس ەدى. حالىق ەندى عانا كاسىپكەرلىككە بەت بۇرىپ، ءوز ىستەرىن دوڭگەلەتە باستاعان كەزدە تەڭگە قۇنسىزدانىپ جاتىر. بۇل - ەلدە قالىپتاسقان، كوز جۇما قاراۋعا بولمايتىن وتە قيىن جاعداي. حالىق بولىپ بىرىگىپ، وسىعان توتەپ بەرەيىك، اعايىن! بۇگىن ءۇنسىز قالساق، ەرتەڭ كەش بولادى!
پىكىر قالدىرۋ