بۇگىندە اۋىر دەرتكە شالدىعىپ، تۋىلعانىنان تاعدىر تالكەگىنە تۇسكەن سابيلەر از ەمەس. اسىرەسە، ەلىمىزدە دسپ دياگنوزىمەن دۇنيەگە كەلەتىن سابيلەردىڭ سانى جىل ساناپ ارتۋدا. بالاسىنىڭ دەرتى جانىنا باتىپ، ەلىمىزدەگى وڭالتۋ ورتالىقتارىنىڭ تابالدىرىعىن توزدىرىپ جۇرگەن اتا-انالارى مەن بالالارى كۇندەردىڭ كۇنىندە ءبىر جاقسىلىقتىڭ بولاتىنىنا ۇلكەن سەنىممەن قارايدى. ولاردىڭ ءبىرىنشى سۇيەنەرى – حالىق.

كوپ تۇكىرسە كول بولادى... انەل ەسىمدى 4 جاستاعى ءبۇلدىرشىننىڭ ەمىنە Qamshy.kz اقپارات اگەنتتىگى مەن گاۋحار جۇمابايەۆا ەسىمدى اناسىمەن كوپشىلىكتەن كومەك سۇرايمىز.

انەلدىڭ اناسى گاۋحار دسپ دەرتىمەن تۋىلعان قىزىنىڭ ەمىنە نەبارى ءبىر جەتى قالعانىن ايتىپ، دابىل قاعۋدا. تامىزدىڭ 20-نا دەيىن 80 000 تەڭگەنى جيناۋعا جۇدىرىقتاي جۇمىلىپ، كىشكەنتاي ءبۇلدىرشىننىڭ ساۋىعىپ كەتۋىنە تيتتەي دە بولسا كومەكتەرىڭىزدى اياماي، شەتتە قالماۋعا شاقىرامىز.

«انەل 7 ايلىق بولىپ دۇنيەگە كەلگەن. بۇگىندە جاسى 4-تە، ءالى كۇنگە دەيىن جۇرە المايدى. جاقىندا عانا ءتورت اياقتاپ ەڭبەكتەي باستادى، بۇرىندارى مۇلدە ەڭبەكتەي دە المايتىن ەدى، اقىرىنداپ تىزەرلەپ تۇرۋدى ۇيرەنىپ كەلەدى. بارلىق قاجەتتى ەم-دومىنا ۋاقىتىلى اپارىپ، كەرەك نارسەنىڭ بارلىعىن ۇزبەي جاساپ تۇرعاننان وسىنداي ناتيجەلەر پايدا بولدى.

چەليابينسك قالاسىندا «ساكۋرا» اتتى وڭالتۋ ورتالىعىنا اپارىپ ەمدەتتىم. ول جەردە قازاق بالالارى وتە كوپ. ول جەردىڭ ەم-دومى جاقسى، كوپتەگەن دسپ-مەن اۋىراتىن بالالارعا جاقسى ناتيجە بەرۋدە، ءبىراق ول جەردىڭ باعاسى تىم قىمبات. كوپ اتا-انانىڭ قالتاسى كوتەرە بەرمەيدى. ول جەردىڭ باعاسى قىتايداعى ەمنىڭ باعاسىمەن بىردەي. ال قىتايدا مەديسينا جاقسى دامىعان، ول بارىمىزگە بەلگىلى. سونىمەن قاتار، قىتايدا باسقا ەلدەردە جوق ءتۇرلى اپپاراتتار بار، ول اپپاراتتار بالالاردىڭ ەمدەلىپ كەتۋىنە ۇلكەن سەپتىگىن تيگىزەدى: ميدىڭ جۇمىسىن جاقسارتادى، جۇيكە جۇيەسىن قالىپقا كەلتىرەدى. وتاندىق مەديسينا ناشار دەپ ايتپايمىن، دەگەنمەن قىتايدا مەديسينا سالاسى ەداۋىر دامىپ كەتكەنىن ءارى ساپالى ەكەنىن مويىندايمىن. اسىرەسە دسپ دەرتى نەگىزىنەن سول ەلدە ەمدەلەدى. سوندىقتان دا انەلىمدى قىتايعا اپارىپ ەمدەتكىم كەلەدى»، - دەيدى گاۋحار Qamshy.kz اقپارات اگەنتتىگىنىڭ تىلشىسىنە بەرگەن سۇحباتىندا.

ونىڭ ايتۋىنشا، قىتايعا ەمدەلۋگە بارعان بۇلدىرشىندەردىڭ كوپشىلىگى ەداۋىر وڭالىپ، جاقسى ناتيجەمەن قايتادى ەكەن. الايدا دەرتى اسقىنىپ كەتكەن بالالارعا ول جاقتىڭ ەمى دە ەش كومەكتەسە المايدى.

«رەسەيدەگى وڭالتۋ ورتالىعىندا ەمدەلىپ كوردىك، الماتى مەن استانا قالالارىنداعى ورتالىقتارعا دا باردىق، الايدا ناتيجەسى ايتارلىقتاي جاقسى بولمادى. ءبىر قۋانتارلىعى – قىزىم ەڭبەكتەي باستادى. قىتايعا بارىە، سول جاقتاعى دارىگەرلەرگە ەمدەتۋدى باياعىدان ويلاپ ءجۇرمىن، ءبىراق مۇمكىندىگىم بولماي جاتىر. سول ماقساتتا دا ينستاگرام جەلىسىندە پاراقشا اشىپ، حالىقتان كومەك سۇرادىم. 20-نا دەيىن ءبىر جەتىدەي ۋاقىت قالدى، قىتايداعى دارىگەرلەرمەن كەلىسىپ، جازىلىپ قويعان ەدىم. ەندىگى كەزەكتە 260 000 تەڭگە قاراجات جيناۋ كەرەك بولىپ تۇر»، - دەيدى انەلدىڭ اناسى.

جالعىزباستى انا ءوز سوزىندە ەكى جارىم جىل بۇرىن كۇيەۋى ولاردى تاستاپ كەتكەنىن ايتتى.

«وسىدان ءۇش جىل بۇرىن جوسپارلاپ ءجۇردىم قىزىمدى قىتايعا اپارىپ ەمدەتۋگە. ول كەزدە نەكەدە ەدىم. بۇرىنعى كۇيەۋىمە ايتسام، ول «كولىك الۋىمىز كەرەك، اناۋ-مىناۋ» دەپ ءتۇرلى سىلتاۋلار ايتتى. كەيىننەن «ءبىر جىلدان كەيىن كولىك الامىن» قويمادى. ءبىر جىلدان كەيىن بالانىڭ سۇيەگى قاتايا باستايدى، قىتايعا اپارىپ ەمدەتەيىك دەدىم. كەيىن ءبىر جىلدان سوڭ قىتايعا جىبەرەم دەگەن ۋاقىتىندا، ول كەرىسىنشە ءبىزدى تاستاپ، اجىراسىپ كەتتى. ەكى جارىم جىلدان بەرى قىزىمدى ءوزىم تاربيەلەپ، ءوسىرىپ كەلەمىن. بۇگىندە قوستاناي وبلىسىندا مۇراجايدا جۇمىس ىستەيمىن، ايلىعىم بار-جوعى 60 مىڭ تەڭگە. پاتەردى جالداپ تۇرامىز، ءوزىمىزدىڭ ءۇيىمىز دە جوق. مەملەكەتتەن بەرىلەتىن جاردەماقى مەن مەنىڭ ايلىعىمدى قوسقاندا 120 مىڭ تەڭگە – پاتەرىمىزگە دە، كۇن كورىسىمىز دە، قىزىمنىڭ دارى-دارمەگى – ءبارى دە سونىڭ ىشىندە»، - دەپ قىنجىلادى انەلدىڭ اناسى.

ءوزىنىڭ ينستاگرام پاراقشاسىندا جاريالاعان سوڭعى پوستىندا گاۋحار: «وسى پاراقشاداعى 2742 جازىلۋشىنىڭ ءاربىرى 241 تەڭگەسىن قياتىن بولسا قاجەتتى قاراجات جينالىپ-اق تۇر ەكەن. 241 تەڭگە دەگەن سىزدەر ءۇشىن تيىن عانا، ال مەنىڭ قىزىم ءۇشىن ونىڭ ءومىرى. ۋاقىت تاياعان سايىن ىشىمدە ءبىر پانيكا باستالدى. 20-نا دەيىن قاجەتتى قاراجاتتى جيناي الماسام نە بولادى؟ قىزىمنىڭ ءومىرى قالاي بولادى؟» - دەپ جازادى.

ءيا، جۇمىلا كوتەرگەن جۇك جەڭىل. اياققا تۇرىپ ساۋىعىپ كەتۋى ءۇشىن كىشكەنتاي بۇلدىرشىنگە ءسىز بەن ءبىزدىڭ كومەگىمىزگە مۇقتاج. انەل ءبۇلدىرشىننىڭ ەمىنە كومەك قولىن سوزامىن دەۋشىلەر تومەندەگى جولدارمەن اقشا اۋدارا الادى:

انەلدىڭ اناسى گاۋحار جۇمابايەۆا جسن: 900 302 450 944

تەلەفون ءنومىرى: 8 705 576 6386

Kaspi Gold كارتاسى: 5169 4931 2898 2371

حالىق بانك كارتاسى: 5354 5100  2585 7763

QIWI: 8705 576 6386

ءبىر اپتاداي عانا ۋاقىت قالدى، دوستار، كومەك قولىمىزدى سوزايىق! ايانىپ قالماڭىزدار!