عالامتورداعى حابارلاندىرۋ سايتتارىنىڭ بىرىندە ەلباسىنىڭ اۆتوگرافى ساتىلىمعا شىقتى دەپ حابارلايدى Qamshy.kz اقپارات اگەنتتىگى sputniknews.kz سايتىنا سىلتەمە جاساپ. 

اۆتوردىڭ حابارلاماسى بويىنشا پرەزيدەنت 21 جىل بۇرىن ءوزىنىڭ دۇكەنىنە كەلگەن ەكەن. قر-نىڭ  پرەزيدەنتى نۇرسۇلتان نازاربايەۆتىڭ جازباشا تىلەگى مەن قولتاڭباسىن عالامورداعى حابارلاندىرۋ سايتى ارقىلى ساتىلىمعا شىقتى.

ساتۋشى ءماتىن مەن ەلباسىنىڭ قولتاڭباسىن 350 مىڭ تەڭگەگە باعالاعان.

قولتاڭبانى ساتقىسى كەلگەن ازامات 1997 جىلى الماتى قالاسىنداعى ازىق-تۇلىك دۇكەنىندە جۇمىس ىستەگەن. سول كەزدە ەلباسى دۇكەنگە كىرىپ، جازباشا تىلەك جازىپ، استىنا ءوز قولتاڭباسىن قالدىرىپتى. 

«ءىس-ساپارلاردىڭ بىرىندە ەلباسى ءبىزدىڭ دۇكەنگە كىرىپ، البومعا ارنايى تىلەگىن جازىپ، قولتاڭباسىن قالدىرعان بولاتىن. شىعار الدىندا سۇقبات بەرىپ، كەتىپ قالدى. نەگىزىنەن مەن قولتاڭبانى ادامداردىڭ قىزىعۋشىلىعىن بايقاۋ ءۇشىن ساتىلىمعا شىعاردىم. بۇل جايت ۇزاق ۋاقىت بويى كوپشىلىكتىڭ ەسىندە قالاتىن شىعار. ءبىر جاعىنان الىپ قاراعاندا، كوپتەگەن تانىمال ادامداردىڭ قولتاڭباسىنان كوللەكسيا جاسايتىندار دا بار عوي»، دەيدى ساتۋشى. ونىڭ ايتۋى بويىنشا، ەلباسىنىڭ كەلۋى الدىن الا جوسپارلانعان.