يندونەزيادا ءوتىپ جاتقان حVIII جازعى ازيا ويىندارىندا بۇگىن ريو وليمپياداسىنىڭ چەمپيونى دميتريي بالاندين براسس ادىسىمەن 100 مەترگە جۇزۋدە ازيا ويىندارىنىڭ فينالىنا ءوتتى، دەپ حابارلايدى Qamshy.kz اقپارات اگەنتتىگى Baq.kz-كە سىلتەمە جاساي وتىرىپ.

ق ر ۇوك باسپا ءسوز قىزمەتىنەن حابارلاعانداي، ول ىرىكتەۋ كەزەڭىندە مارەگە ەكىنشى بولىپ كەلدى. ونىڭ كورسەتكىشى - 1.00.07. ءبىرىنشى ورىندا ءبىزدىڭ سپورتشىدان ءسال عانا وزىپ كەتكەن قىتايلىق سپورتشى تۇر.

دميتريي بالاندين جاراقاتىنا بايلانىستى 200 مەترگە براسس ادىسىمەن ءجۇزۋ جارىسىنا قاتىسپايدى. ءدال وسى قاشىقتىقتا بالاندين ريو وليمپياداسىنىڭ چەمپيونى اتانعان بولاتىن.

ال وسى قاشىقتىقتا سىنعا تۇسكەن تاعى ءبىر قازاقستاندىق سپورتشى الىبەك قامزەنوۆ ىرىكتەۋ كەزەڭىندە 14ء-شى ورىنعا شىعىپ، جارىستان تىس قالسا، تاعى ءبىر وتانداسىمىز ادىلبەك مۋسين 100 مەتر قاشىقتىقتا باتتەرفلياي ادىسىمەن جۇزۋدە 52.99 سەكۋند ناتيجە كورسەتىپ، فينالعا جولداما الدى. ادىلبەك مۋسين ءوز توبىندا ريو وليمپياداسىنىڭ چەمپيونى، سينگاپۋرلىق دجوزەف سكۋلينگتى عانا الدىنا جىبەرىپ، ەكىنشى ناتيجە كورسەتتى.

جالپى ەسەپتە 5ء-شى ورىن العان جەرلەسىمىز ەندى فينالدىق باسەكەدە ب ا ق سىنايدى.

ال، اقتىق سايىس بۇگىن استانا ۋاقىتىمەن كەشكى ساعات 17:00-دە وتەدى.