قۇرمانعازى اۋدانىنا جۇمىس ساپارى بارىسىندا اتىراۋ وبلىسىنىڭ اكىمى نۇرلان نوعايەۆ قاراماعىنداعىلارعا اۋىلدىق ەلدى مەكەندەردى دامىتۋعا قاتىستى ءبىرقاتار ناقتى تاپسىرمالار بەردى، دەپ حابارلايدى اتىراۋ وبلىسىنىڭ وڭىرلىك كوممۋنيكاسيالار قىزمەتى.

ازعىر وڭىرىنە ساپارىنىڭ ەكىنشى كۇنى نۇرلان نوعايەۆ ءبىرقاتار ادەۋمەتتىك وبەكتىلەردى ارالاپ، اسان، قوڭىرتەرەك، قوياندى، جالعىزاپان جانەي باتىربەك اۋىلدارىندا جەرگىلىكتى تۇرعىندارمەن اڭگىمەلەستى. ءوڭىر باسشىسى شالعايداعى ەلدى مەكەندەردى اۋىز سۋمەن قامتاماسىز ەتۋ جەرگىلىكتى اتقارۋشى ورگانداردىڭ الدىندا تۇرعان ءبىرىنشى كەزەكتەگى مىندەتتەردىڭ ءبىرى ەكەنىن باسا ايتىپ، جەكە توقتالدى. 

- ءبىزدىڭ مىندەتىمىز تۇرعىنداردىڭ ءومىرىن جاقسارتۋ ءۇشىن بارلىق جاعدايلاردى جاساۋ، قولدا بار بارلىق قۇرالداردى پايدالانۋ، - دەدى نۇرلان نوعايەۆ. – بۇل پروسەسكە بارلىق مەملەكەتتىك ورگانداردىڭ قىزمەتكەرلەرى، قوعامدىق ينستيتۋتتار، بارلىق دەڭگەيدەگى ءماسليحاتتار تارتىلۋى ءتيىس. اكىمدىكتەر جەرگىلىكتى جەرلەردە بىزگە جوبالاردى ۇسىنۋى ءتيىس –جەرگىلىكتى تۇرعىنداردىڭ ءۇمىت-ارماندارىن، قانداي دا ءبىر ەلدى مەكەندى جاقسارتۋ ءۇشىن نەنىڭ جەتىسپەيتىنىن بارىنەن بۇرىن سىزدەر جاقسى بىلەسىزدەر. وكىنىشكە وراي، كەيبىر اۋدانداردا جۇمىستىڭ بۇل تەتىگى تولىق ىسكە اسپايدى. اكىمدەر، دەپۋتاتتار، قوعام قايراتكەرلەرى – وسى ىسكە قاتىسۋى ءتيىس. جاقسى جوبالارعا ءبىز بارلىق ۋاقىتتا قاراجات تابامىز – سىزدەردىڭ مىندەتتەرىڭىز ولاردى جەتكىزۋ.

ازعىر ءوڭىرىنىڭ تۇرعىندارىن 2020 جىلعا دەيىن وڭىرلەردى دامىتۋ باعدارلاماسى اياسىندا ساپالى اۋىز سۋمەن قامتاماسىز ەتۋ ءۇشىن سۋمەن جابدىقتاۋ وبەكتىلەرىن رەكونسترۋكسيالاۋ، قۇرىلىسىن سالۋ جانە جاڭعىرتۋ بويىنشا شارالار قابىلدانۋدا ەكەنىن اتاپ وتكەن ءجون.

ولاردىڭ قاتارىنا قازىرگى ۋاقىتتا قوياندى توپتىق سۋ قۇبىرى ارقىلى اۋىز سۋمەن قامتاماسىز ەتىلىپ وتىرعان ازعىر ءوڭىرىنىڭ 7 ەلدى مەكەنى كىرەدى (ازعىر، بالقۇدىق، باتىربەك، سۇيىندىك، جالعىزاپان، قوڭىرتەرەك، ەگىنقۇدىق)

اسان، ءۇشتاعان ەلدى مەكەندەرىن اۋىز سۋمەن قامتاماسىز ەتۋ ءۇشىن جوبالاۋ-سمەتالىق قۇجاتتاما جاساقتالۋدا. قوشالاق جانە نيەتباي اۋىلدارى جەر استى سۋىن پايدالانىپ، اۋىز سۋمەن قامتاماسىز ەتىلۋدە.