ەلباسىنىڭ «بولاشاققا باعدار: رۋحاني جاڭعىرۋ» باعدارلاماسى اياسىندا كيەلى جەرلەر گەوگرافياسىنا باعىتتالعان حالىقارالىق ەكسپەديسيا جولعا شىقتى. «نۇر وتان» پارتياسى اتىراۋ وبلىستىق فيليالىنىڭ ۇيىمداستىرۋىمەن قولعا الىنعان ساياحات سىرلى سارايشىقتان باستاۋ الدى.
ۇيىمداستىرۋشىلاردىڭ ايتۋىنشا، ەكسپەديسيا مۇشەلەرى ەندىگى ۋاقىتتا تۇركىستان قالاسىنا ات باسىن بۇرىپ، ارىستانباب، قوجا احمەت ياسساۋي، ايتەكە بي كەسەنەلەرىنە بارىپ، وننان اسا تاريحي ورىنمەن تانىسادى. ولاردىڭ باستى ماقساتى – كيەلى جەرلەردە بولىپ، جات ەلدە دامىل تاپقان باتىستىڭ ازۋلى بيىنە تاعزىم ەتۋ، ولارعا قاتىستى تىڭ مالىمەتتەر جيناقتاۋ.
ايتا كەتۋ كەرەك، ۇلتتىق قۇندىلىعىمىزدى ۇلىقتار بۇل ەكسپەديسيا قۇرامىندا عالىمدار، بەلسەندى جاستار، بلوگەرلەر مەن اتالعان پارتيا فيليالىنىڭ ءبىر توپ قىزمەتكەرلەرى بار.
