ەلباسى ءوزىنىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىندا لاتىن الىپبيىنە كوشۋ زامان تالابى ەكەندىگىن باسا ايتقان بولاتىن. لاتىن ءالىپبيىنىڭ تيىمدىلىگىن حالىققا جەتە ءتۇسىندىرۋ ماقساتىندا قونىستانۋ اۋىلدىق كىتاپحاناسى دا ءتۇرلى ءىس-شارالار ۇيىمداستىرىپ كەلەدى. كىتاپحانادا تاقىرىپتى قامتيتىن كورمە جاساقتالىپ، وقىرماندارعا تانىستىرىلدى.
سونىمەن قاتار، كىتاپحاناشىلار اۋىلداعى ءۇي-ۇيدى ارالاپ، لاتىن الىپبيىنە كوشۋدىڭ ماڭىزدىلىعى تۋرالى تۇسىنىك جۇمىستارىن جۇرگىزۋدە. جالپى العاندا لاتىن الىپبيىنە كوشۋ – حالقىمىزدىڭ تاريحىنداعى ەڭ ماڭىزدى بەتبۇرىس ەكەنى انىق. حح عاسىردا قازاق ءتىلى لاتىن ءالىپبيىنىڭ نەگىزىندە جاسالعان جازۋ ۇلگىسىن قولداندى. ەندى، مىنە، بۇگىن دانالارىمىز قالدىرعان جادىگەرلەردى جاڭاشا وقىپ، وزىمىزگە قايتارۋعا زور مۇمكىندىك تۋعالى تۇر. وسىناۋ مەملەكەتتىك ماڭىزى بار ىسكە ۇلكەن جاۋاپكەرشىلىكپەن قاراساق، شەت ءتىلىن بىلەتىن ماماندارعا، ستۋدەنتتەرگە، وقۋشىلارعا، بالاباقشا بۇلدىرشىندەرىنە ۇيرەنۋ كوپ قيىندىق تۋعىزبايدى دەپ ويلايمىن.
انار ءجۇسىپ،
قونىستانۋ اۋىلدىق كىتاپحاناسىنىڭ كىتاپحاناشىسى
