الماتىدا سوڭعى ءۇش جىل ىشىندە جالپى ۇزىندىعى 500 كم بولاتىن 524 كوشە جوندەلدى.

سونىمەن، 2016 جىلى جولاۋشىلار كولىگى جانە اۆتوموبيل جولدارى باسقارماسى تاراپىنان 196 كوشەنىڭ 140 شاقىرىمىنا ورتاشا جوندەۋ جۇمىستارى جۇرگىزىلدى. اعىمداعى جوندەۋ جۇمىستارىمەن بارلىق ماگيسترالدى كوشەلەر مەن جەرگىلىكتى جولداردىڭ 80%-ى قامتىلدى. جاياۋ جۇرگىنشى ءۇشىن 30،5 كم تروتۋارلار جاسالدى.

2017 جىلى ۇزىندىعى 147،1 كم بولاتىن 170-تەن استام كوشە ورتاشا جوندەۋدەن ءوتتى. 37،5 كم تروتۋارلار سالىندى جانە جوندەلدى. شيەۆچەنكو، قونايەۆ، وتەپوۆ كوشەلەرى مەن 23 بۇرىلىستارداعى ەسكى ترامۆاي جولدارى الىنىپ، قوزعالىس بولىگى كەڭەيدى، 16،7 شاقىرىمعا جاڭا اسفالت توسەلدى.

الماتىدا بيىلعى جىلى ورتاشا جوندەۋ جۇمىستارىمەن ۇزىندىعى 155 شاقىرىمنان استام تاعى دا 157 كوشە قامتىلعان. بۇلاردان وزگە، ماقاتايەۆ، بايتۇرسىنوۆ، جاروكوۆ كوشەلەرىندەگى قوزعالىس بولىگى كەڭەيىپ، 15،7 شاقىرىمعا جاڭا اسفالت توسەلدى. جاياۋ جۇرگىنشىلەر ءۇشىن 30 كم تروتۋارلار سالىندى.

ايتا كەتەرلىگى، كوشە- جول جەلىلەرىنە جوندەۋ جۇمىستارىن جۇرگىزگەن مەردىگەرلەرگە ءۇش جىلدىق كەپىلدەمە بەرىلەدى. وسى كەزەڭ ىشىندە جىبەرىلگەن كەمشىلىكتەر مەن ورىن العان ولقىلىقتاردى ولار ءوز قارجىلارى ەسەبىنەن تۇزەتۋلەرى ءتيىس.

الماتى اكىمىنىڭ تاپسىرماسى بويىنشا تروتۋارلار مەن ارىقتاردى اباتتاندىرۋعا ايرىقشا نازار اۋدارىلۋدا. قولدانىلمايتىن كونسترۋكسيالار الىنىپ، جاسىل جەلەك جۇرگىزىلۋدە. تروتۋارلارعا تەكسەرۋ جۇرگىزىلىپ، جاياۋ جۇرەتىندەرگە قيىندىق تۋعىزاتىن ءتۇرلى قۇرىلىستاردىڭ بارلىعى سۇرىلۋدە.

بيىلعى جىلى كىشى كولىك اينالىمىنىڭ وتكىزۋ قابىلەتىن ارتتىرۋ ءۇشىن ءۇش جاڭا جولايرىعى سالىنۋدا، بىرنەشە كوشەلەر وزگەرتىلىپ، جۇردەك اۆتوبۋس ءدالىزىن جاساۋ ۇيىمداستىرىلۋدا، كوپىر قوندىرعىلارى جانە باسقالارى كەڭەيۋدە.

قۇرىلىس باسقارماسى تاراپىنان قالانىڭ تاريحي ورتالىعى جاڭعىرۋدا. اۋداندىق اكىمدىكتەر بارلىق جەر استى وتپەلى جولداردى كۇردەلى جوندەۋدە. ەگەر وتكەن جىلى 500 اۋلا كورىكتەندىرىلسە، بيىل تاعى دا 600-دەن استام اۋلا جاڭارادى.

جالپى، جولاۋشىلار كولىگى جانە اۆتوموبيل جولدارى باسقارماسى تاراپىنان قازىرگى كەزدە 123 كوشەنى جوندەۋ جۇمىستارى اياقتالدى. 25 تامىزعا دەيىن قالعان 34 كوشەدەگى ورتاشا جوندەۋ جۇمىستارى جۇزەگە اسادى.

سىزدەر بىلەسىزدەر، بىزدە جەردى قازۋ مەن ءتۇرلى قۇبىرلاردى تارتۋدى جاقسى كورەتىن ەنەرگەتيكا جانە كوممۋنالدى شارۋاشىلىق باسقارماسى دا بار.

ال شىندىققا جۇگىنسەك، ولاردىڭ اتقاراتىن جۇمىستارى بارىنشا جاۋاپتى جانە وتە كۇردەلى. ولاردىڭ ەرەن ەڭبەكتەرىنىڭ ارقاسىندا قالا ءتۇرعىندارى جارىقپەن، سۋمەن، جىلۋمەن، كاناليزاسيامەن قامتىلۋدا. تەك سوڭعى جىلدىڭ وزىندە عانا 800 ينجەنەرلىك جەلى سالىندى جانە جوندەلدى.

دەگەنمەن، اشىق كونكۋرسقا قاتىسقانىمەن ءوز مىندەتىنە جاۋاپسىز قارايتىن مەردىگەرلەر دە بار، سولاردىڭ سالدارىنان ولقىلىقتاردىڭ ورىن الۋدا. ءبىز ولاردى كەپىلدەمە مىندەتتەمە اياسىندا جۇمىستارىن قايتا جاساۋعا ءماجبۇر ەتەمىز.

كوشەلەردەگى كەمشىلىكتەردى جويۋ ءۇشىن قوسىمشا 4 مەردىگەر ۇيىم مەن 12 ارنايى بريگادا ىسكە كىرىستى.

12 كوشەدەگى ينجەنەرلىك كوممۋنيكاسيالار جاڭارعان سوڭ تاعى 12،5 كم جول ورتاشا جوندەۋدەن ءوتتى.

شۇڭقىرلار دا جوندەلۋ ۇستىندە. 175 مىڭ. م2 قالا كوشە شۇڭقىرلارى رەتكە كەلتىرىلدى. جىل اياعىنا دەيىن تاعى دا 370 تىس. م2 شۇڭقىر جابىلادى.

كەلەر جىل تۋرالى ءسوز ەتەتىن بولساق، الماتىنىڭ جولاۋشىلار كولىگى جانە اۆتوموبيل جولدارى باسقارماسى ءقازىردىڭ وزىندە 2019 جىلدىڭ جۇمىس جوسپارىن جاساۋ ۇستىندە.

ءبىز تاعى دا 150 شاقىرىمنان استام قالا كوشەلەرىن جوندەيمىز.قالانىڭ بارلىق اۋداندارى ورتالىقتاندىرۋ قاعيداسى بويىنشا وركەندەيدى. الماتىنىڭ تومەنگى بولىگىنە دە باسىمدىق بەرىلەدى. ءبىز سىزدەرگە ارقا سۇيەيمىز، الماتىلىقتار!

الماتى اكىمدىگى وسى ماسەلەلەر بويىنشا سىزدەردەن ناقتىلى ۇسىنىستار كۇتەدى. ءسىزدىڭ ويىڭىزشا قاي جول جوندەلۋى نەمەسە جاڭا تروتۋارلار جاسالۋى ءتيىس؟

وتىنىمدەر وسى جىلدىڭ قىركۇيەك اياعىنا دەيىن قابىلدانادى. بىزگە اقپاراتتى ارنايى zhol.almaty@a-a.kz ەلەكتروندى جاشىگىنە «جوندەۋ قاجەت» نەمەسە «تروتۋار قاجەت» بەلگىلەرىمەن جىبەرە الاسىزدار.