وزبەكستان بيلىگى مەشىتتەرگە باقىلاۋ ورناتتى دەپ حابارلايدى Qamshy.kz اقپارات اگەنتتىگى centralasian.org سايتىنا سىلتەمە جاساپ.
ازاتتىقتىڭ وزبەك قىزمەتىنە حابارلاسقان وزبەكستاندىق تۇرعىندار قۇربان ايت كەزىندە، تاشكەنتتىڭ چۋپونوتا مەشىتىندە نايىب يمام وزبەكستان مۇسىلماندارى ءدىني باسقارماسى دايىنداعان ءماتىندى ۋاعىز رەتىندە وقىدى دەپ شاعىمداندى.
مەشىتتىڭ نايىب يمامى وزبەكستان مۇسىلماندارى ءدىني باسقارماسى (ءومدب) مەشىتكە كەلۋشىلەرگە باقىلاۋ ورناتقانىن مويىنداعان. بيىل اقپان ايىندا ءومدب ءتوراعا ورىنباسارى ايداربەك تۇلەپوۆ قىزمەتىنەن الىنعاننان كەيىن، وزبەكستاندا مەشىتتەر قۇقىق قورعاۋ ورگاندارى تاراپىنان باقىلاۋسىز قالعان.
ءومدب وكىلى 23 تامىزدا ەلدەگى 2039 مەشىتتىڭ يمامدارىنا قۇربان ايتتا ايتىلاتىن ۋاعىزدىڭ بىردەي ءماتىنىن جىبەرگەنىن راستادى. ول مۇنى كوپتەگەن مەشىتتەردىڭ يمامدارىندا جەتكىلىكتى ءدىني ساۋات جوق، ولار ءوز بەتتەرىنشە ۋاعىز ايتۋعا دايىن ەمەس دەپ ءتۇسىندىردى.
56 جاستاعى تاشكەنت تۇرعىنى كاماريددين كۋربانوۆ ەلدە كوپتەگەن مۇسىلماندار بيلىكتىڭ باقىلاۋىنىڭ استىندا قۇدايعا جالبارىنىپ، يمامداردىڭ زەرىكتىرەتىن ۋاعىزدارىن تىڭداۋعا ءماجبۇر دەيدى.
