وسكەلەڭ ۇرپاق تاريحتان تاعىلىم الۋى ءتيىس.  سول ءۇشىن دە، بۇگىن الماتى مۋزەيىندە بالالارعا ارنالعان «سىرعا تولى ساياحات» اتتى  كۆەست ويىنى ءوتتى. شارانىڭ نەگىزگى ماقساتى – جاستارعا وڭتۇستىك استانانىڭ تاريحى  تۋرالى تۇششىمدى ماعلۇمات بەرۋ. وعان قوسا، تاريحي جادىرگەرلەرمىزدى كورسەتۋ.

«رۋحاني جاڭعىرۋ» باعدارلاماسى اياسىندا وتكەن بۇل ءىس-شاراعا  وسى  جولى  №1 بالالار ءۇيىنىڭ تاربيەلەنۋشىلەرى قاتىستى. باستىسى، باستاما ءارى قاراي جالعاسىن تاپپاق.  

«بۇگىنگى الماتى مۋزەيىندە وتكىزىلگەن «سىرعا تولى ساياحات» كۆەست ويىنىنىڭ ەڭ باستى ماقساتى – وسكەلەڭ ۇرپاققا الماتى قالاسىنىڭ تاريحىن تانىستىرىپ، سول تاريح ارقىلى بۇلاردىڭ بويىنداعى وزدەرىنىڭ تۋعان ولكەسىنە، اسەم قالامىزعا دەگەن ماحابباتىن وياتۋ. جۇرەكتەرىنە ىزگىلىكتىڭ، وسى قالاعا دەگەن سۇيىسپەنشىلىكتىڭ ءدانىن سەبۋ. بۇگىنگى ويىنىمىز وتە ءساتتى ءوتتى دەپ ويلايمىن. قاتىسۋشى بالالارىمىز دا، ويىنعا كەلگەن ۇيىمداستىرۋشىلار دا ءدان ريزا. بىزدەر دە وسى ويىنىمىز جوعارعى دەڭگەيدە ءوتتى دەپ ويلايمىز»، – دەدى الماتى قالاسى مۋزەيلەر بىرلەستىگى ديرەكتورىنىڭ دامۋ جونىندەگى ورىنباسارى قايرات تاربايەۆ