جۋىردا اقتوبە وبلىسىنىڭ اكىمى بەردىبەك ساپاربايەۆ وڭىردەگى بوي كوتەرىپ جاتىرعان الەۋمەتتىك عيماراتتاردىڭ، يندۋستريالدىق جانە ينفراقۇرىلىمدىق وبەكتىلەردىڭ قۇرىلىس بارىسىمەن تانىستى.
وبلىس باسشىسى الدىمەن مۇمكىندىگى شەكتەۋلى بالالارعا ارنالىپ باتىس-2 شاعىن اۋدانىندا سالىنىپ جاتقان وڭالتۋ ورتالىعىنا باردى. قازىرگى كەزدە مۇندا ارلەۋ، قۇرىلىس اۋماعىن اباتتاندىرۋ جۇمىستارى ءجۇرىپ جاتىر. تاياۋ كۇندەردە مۇمكىندىگى شەكتەۋلى بالالاردى ەمدەۋگە ارنالعان مەديسينالىق جانە وزگە دە قۇرال-جابدىقتار جەتكىزىلمەك. ارناۋلى مەديسينالىق بۇل مەكەمە اشىلعان سوڭ كۇتىپ وتىرعان كوپتەگەن اقتوبەلىك وتباسىلارعا تيىسىنشە جاردەم كورسەتىلمەك.
ەسكە سالا كەتەيىك، اتالعان قۇرىلىس وبەكتىسى تۋرالى كەلىسىمگە وتكەن جىلى جەلتوقسان ايىندا وبلىس اكىمى بەردىبەك ساپاربايەۆتىڭ «رۋسسكايا مەدنايا كومپانيا» اكسيونەرلىك قوعامى ديرەكتورلار كەڭەسى ءتوراعاسى يگور التۋشكينمەن كەزدەسۋ بارىسىندا قول جەتكىزىلگەن.
سونداي-اق باتىس-2 شاعىن اۋدانىندا 2500 ورىندىق مۇز سارايىنىڭ قۇرىلىسى دا اياقتالىپ كەلەدى. جوبا قۇنى — 3،7 ميلليارد تەڭگە كولەمىندە، «H+H Technika» سلوۆاك كومپانياسى مەملەكەتتىك-جەكە مەنشىك ارىپتەستىك شەڭبەرىندە جۇزەگە اسىرۋدا. قازىرگى زامانعى سپورتتىق كەشەن بازاسىندا سپورتتىڭ حوككەي، مانەرلەپ سىرعاناۋ، شورت-ترەك جانە باسقا دا قىسقى تۇرلەرى وركەندەيتىن بولادى.
مۇنىمەن بىرگە ايماق باسشىسى بالالارعا ارنالعان ستوماتولوگيالىق ەمحانانىڭ قۇرىلىسىنىڭ بارىسىن قارادى.
سودان سوڭ وبلىس اكىمى «اسەم» بالالار لاگەرىنە باردى. ونىڭ بازاسىندا «باقىتتى بالا» جوباسى اياسىندا «ارتەك» لاگەرى ۇلگىسىندەگى جىل بويى جۇمىس ىستەيتىن دەمالىس ورنى قۇرىلماق. لاگەردىڭ ءقازىردىڭ وزىندە وقۋ جانە جاتىن قورپۋستارىنىڭ قۇرىلىستارى اياقتالىپ قالعان. ساۋلەتشىنىڭ ويى بويىنشا، وقۋ عيماراتىنىڭ ديزاينى اشىق كىتاپ تۇرىندە ورىندالاتىن بولادى. لاگەردە بالالار وقۋ پروسەسىنەن قول ۇزبەي، تۇرادى جانە دەمالادى.
سونداي-اق وسى كۇنى وبلىس اكىمى بەردىبەك ساپاربايەۆ اقتوبە فەروقورىتپا زاۋىتى اۋدانىنداعى جول وتپەسىنىڭ، «كوكتاس» ج ش س سيليكات بۇيىمدارى ءوندىرىسى زاۋىتىنىڭ جانە «اقتوبە» يندۋستريالدىق ايماعىنداعى ءبىرقاتار جوبالاردىڭ قۇرىلىستارىنىڭ بارىسىن قارادى.
