اقتوبە وبلىسىنداعى تۇڭعىش پرەزيدەنت اتىنداعى مادەنيەت جانە دەمالىس پاركى كەڭەيۋدە. قۇرىلىس جۇمىسىنىڭ جۇزەگە اسىرىلۋ بارىسىمەن وبلىس اكىمى بەردىبەك ساپاربايەۆ ارنايى تانىستى.
دەمالىس ساياباعىندا عاشىقتار اللەياسى، ورماندى جانە تاريحي ايماق، ەتنواۋىل، دەكوراتيۆتى جىلعا، سۋبۇرقاقتار، قالا تۇرعىندارى ءۇشىن باسقا دا دەمالىس ورىندارى قاراستىرىلعان.
وبلىس اكىمى بوكەنباي باتىر كوشەسىندەگى ءىت-ورتالىق جانە جەڭىل اتلەتيكالىق مانەج قۇرىلىسى بارىسىن كوردى. جالپى قۇنى 4 ميلليارد تەڭگە تۇراتىن الەۋمەتتىك ماڭىزدى جوبانى جۇزەگە اسىرۋ بيزنەستىڭ الەۋمەتتىك جاۋاپكەرشىلىگى اياسىندا «قازحروم» اق جانە «سنپس-اقتوبەمۇنايگاز» اق كومپانيالارى قارجىسى ەسەبىنەن جۇزەگە اسۋدا. بۇل قۇرىلىستاردى 2019 جىلدىڭ سوڭىندا ىسكە قوسۋ جوسپارلانىپ وتىر. مۇندا ءىلياس يسپانوۆ بوكەنباي باتىر كوشەسىندەگى جوعارىدا اتالعان نىسانداردان باسقا، جابىق سپورت ستاديونى، اكۆاپارك جانە سيرك عيماراتى بوي تۇزەيتىن قۇرىلىستار كونسەپسياسى تۋرالى ايتىپ بەردى.
جۇمىس بابىنداعى قاراۋ ءاليا داڭعىلىنان باستالىپ، ءابىلقايىر حان داڭعىلى بويىمەن وبلىس اكىمدىگىنە دەيىن جانە اباي بۋلۆارىندا جالعاساتىن ءبىرىنشى جاياۋجول ايماعىن قۇرۋ بويىنشا جۇمىستارىمەن تانىسۋمەن اياقتالدى. جوبادا ورىندىقتار ورناتىپ، جاس كوشەتتەر وتىرعىزۋ، اۆتورلىق شاعىن ارحيتەكتۋرالىق فورمالار، قۇرعاق سۋبۇرقاقتار، جارىقتاندىرۋدىڭ ءتۇپنۇسقالى شامدارىن، بالالاردىڭ ويىن جانە سپورت الاڭشالارىن جاساقتاۋ قاراستىرىلعان. بولاشاقتا كورىكتەندىرىلگەن جاياۋجول اۋماعى قالا تۇرعىندارى مەن قوناقتارى ءۇشىن قولايلى دەمالىس ورنىنا اينالماقشى.
«ساياباق ىسكە قوسىلعان جاعدايدا جەرگىلىكتى تۇرعىنداردىڭ سايالى ساياباعىنا اينالىپ، قالا كوركى اجارلانا تۇسەتىن دەپ ويلايمىن. ادامدار جۇمىستان شارشاپ كەلگەندە، وتباسىمەن دەمالىپ، سەرىگىپ قايتاتىن مادەني ورىندار بولعانى جاقسى. تازا اۋادا وتباسىمەن ءجيى سەرۋەندەۋ ارقىلى ادامدار سالاۋاتتى ءومىر سالتىن قالىپتاستىرادى. دەنساۋلىقتارى مىعىم، جامان ادەتتەردەن اۋلاق بولادى. وسى ورايدا وڭىردە جاسالىپ جاتىرعان جۇمىستار از ەمەس. مادەني-دەمالىس ساياباقتارى، تىنىمباقتار بوي كوتەرۋدە. اقتوبە جىلدان-جىلعا كوركەيىپ، دامىپ كەلەدى. قالا جاسىل-جەلەككە اينالۋدا. بۇل ءبىز جانە كەلەشەك ۇرپاعىمىز ءۇشىن كوز قۋانتارلىق دۇنيەلەر. وبلىستا ابباتتاندىرۋ جۇمىستارى قارقىندى جۇرۋدە. كوزدىڭ جاۋىن الارلىق عيماراتتار دا سالىنىپ جاتىر. ءوڭىرىمىز وركەندەپ، كوركەيە بەرسىن،- دەيدى قالا تۇرعىندارى.
بۇل جوبا مۇنداي جاياۋجول اۋماقتارى قالا تۇرعىندارىنىڭ ايتارلىقتاي وڭ باعاسىنا يە بولعان استانا جانە الماتى قالالارىنىڭ تاجىريبەسىن ەسكەرىپ جۇزەگە اسىرىلۋدا.
