اقىلىڭدى اسىرىپ، كەمشىلىگىڭ بولسا تۇزەتۋگە تىرىس..
اقىلدى جىگىت اتقا دا مىنەر،
تاققا دا مىنەر..
بار اقىلىڭدى ورىندى جەردە پايدالانا الساڭ، ارمان ەتكەن سانسىز قيالىڭنىڭ ءبارى شىندىققا اينالادى..

ءومىر بولعان سوڭ، سەنىڭ جولىڭدا نەبىر قيىندىقتار كەزدەسۋى مۇمكىن.. جىگەرىڭدى جاسىتىپ، كەۋدەڭدەگى وتتى وشىرگىسى كەلەتىن ادامدار بولادى..ونداي كەزدە نامىسىڭدى جانى، باسىڭدى تىك ۇستا، نار كەۋدەڭدى ەشقاشان ەڭكەيتپە..
نامىس-ەر جىگىتتىڭ كوركى..
جاقسى جىگىت - نامىسىنىڭ ق ۇلى..
سونى ۇمىتپا!

وجەتتە، ايبىندى بول بالام..سەنىڭ ايبىنىڭنان كول تولقۋىن توقتاتىپ، جەل سوعۋىن توقتاتىنداي بولسىن! ءبىراق ايبىنىڭ مەن ارىنىڭدى جاقسىلىق ورناتۋ ءۇشىن عانا پايدالان! 
ايبىندى ەر-ارامدىقتان الىس تۇرار،
جاقسىلىقتى جاساسۋعا دايىن تۇرار..

ەڭ كەرەگى، ارلى بول، ادال بول! ومىردە نە نارسە جاساساڭدا ادالدىقپەن جاسا.. ارىڭ تازا بولسا بارلىق جەردە جەڭىسكە جەتەسىڭ!
ادالدىق - ارىمەن جەڭەر..
ارامدىق - داۋىمەن جەڭەر..
ادالدىقتىڭ ايناسىنا شاڭ جۇقپايدى..

جەتپىس جۇرتتىڭ ءتىلىن، الپىس جۇرتتىڭ ءدىلىن بىلەتىندەي،ءبىلىمدى بول! ەشقاشان ءبىلدىم، بولدىم دەپ كەۋدەڭدى كوتەرمە!قانشا بىلسەڭدە، ۇيرەنۋدەن،ىزدەنۋدەن جالىقپا!
ءبىلىمسىز ۇل - جۇپارسىز گۇلمەن تەڭ،
ءبىلىمدى ۇل - جوتاسى بيىك شىڭمەن تەڭ..
مۇنى دا ۇمىتپا..

ەلىڭدى،ءتىلىڭدى، ۇلتىڭدى،ءدىنىڭدى قۇرمەتتە!
ەلىڭدى قاستەرلەپ، جاۋىنان قورعا!
ءتىلىڭدى قادىرلەپ، قاسيەتكە بالا!
ۇلتىڭدى ۇلىق ەت، حالقىڭا قىزمەت ەت!
جاقسى ۇل-ەلىنىڭ قامىن جەر،
جامان ۇل-ەلىنىڭ مالىن جەر..
جاقسى ۇل-انانىڭ اي-كۇنى،
جامان ۇل-انانىڭ سور-مۇڭى..
وسىنى ەستە ساقتا، قۇلىنىم!

ەشقاشان ەشكىمگە جاماندىق تىلەمە..ءتىپتى جاۋىڭا دا.. بارلىق جانعا مەيىرىمدى بول.. ەشكىمدى الالاما.. باي-كەدەي،بار-جوق دەپ بولمە! جاماندىققا-جاقسىلىقپەن قايتارىم جاساۋعا تىرىس.. ادامنان سىي الماساڭدا، جاراتقاننان ۇلكەن سىي الاسىڭ!

ۇلىم مەنىڭ! اناڭ سەنىڭ بۇل دۇنيەدەگى ەڭ اقىلدى، ەڭ ادىلەتتى، ەڭ مەيىرىمدى بالا ەكەنىڭە ەشقاشان ءشۇبا كەلتىرگەن ەمەس..سوندا دا، سەنىڭ بولاشاعىڭا كەرەك بولار-اۋ دەپ وي تۇيگەن سوزدەرىمدى، شامام كەلگەنشە ساعان تۇسىندىرۋگە تىرىستىم..اناڭنىڭ قالامىنا ىلىكپەي قالعان ساعان كەرەك دۇنيەلەردىڭ، سەنىڭ ءوز بويىڭنان تابىلاتىنىنا مەن يمانداي سەنەمىن، كۇنىم...

ۇلدان قويشى قىزى