جەمقورلىقپەن كۇرەس جۇمىستارى جۇرگىزىلۋدە. قازىرگى ۋاقىتتا ق ر قك-دە جانە قازاقستاندا جالپى سىبايلاس جەمقورلىققا قارسى ءىس-قيمىلدا ۇدەمەلى پروگرەسس جانە وڭ ديناميكا بايقالادى. وسى وڭ ديناميكا 2015-2025 جىلدارعا ارنالعان سىبايلاس جەمقورلىققا قارسى ستراتەگيانى قابىلداۋمەن ىسكە اسىرىلىپ باستاعان سىبايلاس جەمقورلىققا قارسى ساياساتتىڭ كورنەكتى ناتيجەسى بولىپ تابىلادى.
الماتى قالاسىنىڭ قورعانىس ىستەرى جونىندەگى دەپارتامەنتىندە الماتى وڭىرلىك گارنيزونى اسكەري پوليسيا جاساعىنىڭ سىبايلاس جەمقورلىققا قارسى ءىس-قيمىل ءبولىمنىڭ باستىعى ادىلەت كاپيتانى ماراتوۆ ا.م. سىبايلاس جەمقورلىققا قارسى ساياساتتى ىسكە اسىرۋ جانە جۇيەلى نەگىزدە الەۋمەتتىك سۇراقتار مەن زەرتتەۋلەردى ىسكە اسىرۋ كەزىندە شەشىم قابىلداۋدا قوعامنىڭ ءرولىن كۇشەيتۋ، پارانى، زاڭسىز قورلاندىرۋدى ۇسىنعانى/ۋادە بەرگەنى ءۇشىن جاۋاپكەرشىلىك نەمەسە قىلمىستىق جاۋاپكەرشىلىكتى بەلگىلەۋ، بۇلتارتپاۋ جازاسى ءپرينسيپىن مۇلتىكسىز ساقتاۋدى قامتاماسىز ەتۋ ماسەلەلەرى بويىنشا ساباق وتكىزدى.
سوىنمەن قاتار، ول قولدانىستاعى زاڭناما بويىنشا سىبايلاس جەمقورلىق جاساعان ادام ءومىر بويى مەملەكەتتىك لاۋازىم اتقارۋ قۇقىعىنان ايىرىلاتىنىن تىلگە تيەك ەتتى. سونداي-اق سىبايلاس جەمقورلىق قىلمىسىن جاساعان اسكەري قىزمەتشىنى لاۋازىمعا تاعايىنداۋ تۋرالى ۇسىنىس بىلدىرگەن ادامدى تارتىپتىك جاۋاپكەرشىلىككە تارتۋ تۋرالى ماسەلە قويىلدى.
وسىلايشا، سىبايلاس جەمقورلىق قىلمىستارىن جاساۋ پروبلەماسىنىڭ وزەكتىلىگى بارلىق لاۋازىمدى ادامداردان بۇل قۇبىلىستىڭ ماڭىزدىلىعىن ءتۇسىنۋدى، ونىڭ دياگنوستيكاسى مەن پروفيلاكتيكالىق جۇمىستى ۇيىمداستىرۋدىڭ نەگىزگى ادىستەمەلەرىن مەڭگەرۋدى تالاپ ەتەتىنىن ايتا كەتتى. سىبايلاس جەمقورلىقتىڭ الدىن الۋ شارالارى بويىنشا جۇمىستار جەرگىلىكتى اسكەري باسقارۋ ورگاندارىندا ۇزدىكسىز جۇرگىزىلىپ كەلەدى. الماتى قالاسى جەرگىلىكتى اسكەري باسقارۋ ورگاندارىنا الماتى وڭىرلىك گارنيزونى اسكەري پوليسيا جاساعىنىڭ وكىلدەرى تۇراقتى تۇردە ءتۇسىندىرۋ جۇمىستارىن جۇرگىزەدى. جەمقورلىقپەن كۇرەس – ءاربىر ازاماتتىڭ بورىشى ەكەنىن ۇمىتپاۋ قاجەت.
