تانىمال قازاقستاندىق بوكسشى گەنناديي گولوۆكين مەن ەلباسىنىڭ ماۋسىم ايىندا وتكەن كەزدەسۋ ساتىندەگى ەكسكليۋزيۆتى ۆيدەونى پرەزيدەنتتىڭ تەلەراديوكەشەنى الەۋمەتتىك جەلىگە جاريالاندى دەپ جازادى Qamshy.kz اقپارات اگەنتتىگى.
"قىركۇيەك ايىندا سەنى وتە جاۋاپتى كەزدەسۋ كۇتىپ تۇر. بۇكىل قازاقستاندىقتاردىڭ اتىنان ساعان ساتتىلىك تىلەيمىن. سەنىڭ جەكپە-جەكتەرىڭدى بارلىق قازاقستاندىقتار بار ىنتاسىمەن قارايدى، اسىعا كۇتەدى. ءبىز سەنى ماقتان تۇتامىز. سەنىڭ جەتىستىكتەرىڭ جاستار ءۇشىن، ولاردىڭ تاربيەسى ءۇشىن اسا ماڭىزدى"، — دەيدى ەلباسى.
كەزدەسۋ كەزىندە "مەنىڭ مىندەتىم جاۋلاپ الۋ، ءسىزدىڭ مىندەتىڭىز باسقارۋ"، - دەپ كۇلگەن گولوۆكين ءوزىنىڭ چەمپيوندىق بەلدىكتەرىن ەلباسىعا سىيعا تارقان. ەلباسى ءوز كەزەگىندە گولوۆكيندى "قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازاربايەۆ" وردەنىمەن ماراپاتتادى.
